தண்​ணீரில் இருந்து ஹைட்ரஜன் எடுத்து கேஸ் தயாரிப்பு: தமிழக விஞ்ஞானி அசத்தல்!!

தண்​ணீரில் இருந்து எடுக்​கப்​படும் ஹைட்​ரஜன் எரி​வா​யுவை சமையல் மற்​றும் தொழிற்​சாலைகளுக்​குப் பயன்படுத்தும் முறையை விஞ்​ஞானி பேளூர் ராமலிங்​கம் கார்த்​திக் கண்​டறிந்​துள்​ளார். 

திருப்​பூர் மாவட்​டம் அவி​நாசி அருகே வஞ்​சி​பாளை​யம் முரு​கம்​பாளை​யத்​தில் ஹன்க் நிறு​வனம் செயல்​பட்டு வரு​கிறது. இந்​நிறு​வனத்​தின் நிறு​வனர் மற்​றும் முதன்மை விஞ்​ஞானி பேளூர் ராமலிங்​கம் கார்த்​திக், தண்​ணீரில் இருந்து ஹைட்​ரஜன் எரி​வா​யுவை பிரித்​தெடுத்​து, சமையல் மற்​றும் தொழிற்​சாலைகளுக்கு பயன்​படுத்​தும் தொழில்​நுட்​பத்​தைக் கண்​டறிந்​துள்​ளார்.

‘ஹன்க் காஸ்’ என பெயரிடப்​பட்​டுள்ள இந்த புதிய கண்​டு​பிடிப்பு அறி​முக நிகழ்ச்​சி, அவி​நாசி அருகே நேற்று நடந்​தது. முதன்மை விஞ்​ஞானி பேளூர் ராமலிங்​கம் கார்த்​திக் செயல்​முறை விளக்​கம் அளித்​தார். இதில் நடிகரும், ஹன்க்காஸ் நிறு​வனத்​தின் முதன்மை இயக்​குநரு​மான சரத்​கு​மார், ராம்​ராஜ் காட்​டன் நிறு​வனர் கே.ஆர்​.​ நாக​ராஜன் ஆகியோர் பங்​கேற்​று, புதிய கண்​டு​பிடிப்பை அறி​முகப்​படுத்​தினர்.

இதுகுறித்து செய்​தி​யாளர்​களிடம் விஞ்​ஞானி பேளூர் ராமலிங்​கம் கார்த்​திக் கூறிய​தாவது: இயற்​கை​யான முறை​யில், கார்​பன் இல்​லாத நிலை​யில் தண்​ணீரை கொண்​டு, அதிலிருந்து கிரீன் ஹைட்​ரஜன் மூலம் நெருப்பை உரு​வாக்கி இதை தயாரித்​துள்​ளேன். சுமார் 20 ஆண்​டு​கள் ஆராய்ச்​சி​யின் விளை​வாக இது சாத்​தி​யப்​பட்​டுள்​ளது. கார்​பன் இல்​லாத எரிபொருளாக​வும், மிக​வும் பாது​காப்​பான​தாக​வும் இது உள்​ளது.

நாம் பயன்​படுத்​தும் ஒரு லிட்​டர் குடிநீரில், 1,225 லிட்​டர் ஹைட்​ரஜன் எடுக்​கலாம். இந்த ஹைட்​ரஜனை கைராய்டு எலட்​ரோலைட் மெம்ப்​ரைன் இயந்​திரங்​கள் மூலம் பிரித்​தெடுத்​து, அதை சமையல் மற்​றும் தொழிற்​சாலைகளுக்​குப் பயன்​படுத்​தலாம். ஒரு லிட்​டர் தண்​ணீரில் இருந்து பெறப்​படும் காஸை, ஒரு குடும்​பம் ஒரு மாத சமையலுக்கு பயன்​படுத்​தலாம்.

இதற்​கான இயந்​திரங்​கள் இன்​றைய நிலை​யில் ரூ.40 ஆயிர​மாகும். இந்த கண்​டு​பிடிப்பு தொடர்​பாக அங்​கீ​காரம் கோரி, மத்​திய அரசிடம் விண்​ணப்​பித்​ததுடன், மத்​திய அரசின் எரிசக்தி துறை​யினரை சந்​தித்து பல மணி நேரம் எடுத்​துரைத்​து, செயல்​விளக்​கங்​களை​யும் காட்​டி​யுள்​ளோம்” என்​றார்.

நிறு​வனத்​தின் முதன்மை இயக்​குந​ரான நடிகர் சரத்​கு​மார் கூறும்​போது, "இந்த காஸ் பொது​மக்​களின் பயன்​பாட்​டுக்கு ஏற்​ற​தாக இருக்​கும். அங்​கீ​காரம் தொடர்​பாக மத்​திய அரசின் எரிசக்​திதுறை அதி​காரி​களிடம் பேசி​யுள்​ளோம். இதை வீடு​கள், மருத்​து​வ​மனை​கள், தொழிற்​சாலைகள் என பல்​வேறு இடங்​களி​லும் பயன்​படுத்​தலாம்.

இந்த கண்​டு​பிடிப்பு அங்​கீகரிக்​கப்​பட்​டால், பொருளா​தா​ரத்​தில் மிகப்​பெரிய மாற்​றம் ஏற்​படும். முன்​னொரு காலத்​தில் ரயில், விமானம் போன்ற புதிய கண்​டு​பிடிப்​பு​களை மக்​கள் சந்​தேகத்​தோடு பார்த்​தா​லும், பின்​னர் ஏற்​றுக்​கொண்​டனர். அதே​போல, இந்த எரிபொருள் மாற்​ற​மும் ஆரம்​பத்​தில் கேள்​வி​களை எழுப்​பி​னாலும், விரை​வில் மக்​கள் புரிந்து ஏற்​றுக் கொள்​​வார்​கள் என்ற நம்​பிக்கை உள்​ளது” என்​றார்​.