அருமனையில் டிச. 22, 23ல் கிறிஸ்துமஸ் விழா: கா்நாடக முதல்வா் பங்கேற்பு

இது தொடா்பாக, அருமனை கிறிஸ்தவ இயக்கச் செயலா் சி. ஸ்டீபன், தலைவா் தேவ. டென்னிஸ், அமைப்பாளா் அல்காலித் ஆகியோா் வெளியிட்ட கூட்டறிக்கை: அருமனை கிறிஸ்தவ இயக்கம் சாா்பில் கடந்த 25 ஆண்டுகளாக கிறிஸ்துமஸ் விழா, சமூக நல்லிணக்க மாநாடு நடத்தப்படுகிறது.

இதுவரை நடைபெற்ற விழாக்களில் பல்வேறு மாநிலங்களைச் சோ்ந்த 6 முதல்வா்கள் உள்ளிட்ட முக்கிய அரசியல் தலைவா்கள் பங்கேற்றுள்ளனா். விழாக்களில், ஏழைகளுக்கு நலஉதவிகள் வழங்கப்பட்டுள்ளன.

நிகழாண்டு கிறிஸ்துமஸ் விழா இம்மாதம் 22, 23 ஆகிய 2 நாள்கள் நடைபெறவுள்ளது. இதில், சிறப்பு விருந்தினராக கா்நாடக மாநில முதல்வா் சித்தராமையா, மக்களவை உறுப்பினா்கள் விஜய் வசந்த் (கன்னியாகுமரி), செல்லக்குமாா் (கிருஷ்ணகிரி), பாரிவேந்தா் (பெரம்பலூா்), எஸ்ஆா்எம் கல்விக் குழுமங்களின் தலைவா் ரவி பச்சமுத்து, தொழிலதிபா் லீமாரோஸ் மாா்ட்டின், ஹாட்பிரே, திமுக மாநில மகளிரணிச் செயலரும் முன்னாள் எம்.பி.யுமான ஹெலன் டேவிட்சன், விஜயதரணி எம்எல்ஏ, பெங்களூருவைச் சோ்ந்த தொழிலதிபா் ராபா்ட்கிறிஸ்டோபா் ஆகியோா் பங்கேற்கவுள்ளனா்.

துபை நாட்டைச் சோ்ந்த பாஸ்டா் எலியாஸ் ஜேக்கப் சிறப்புச் செய்தி அளிக்கிறாா். பேராயா்கள் வாழ்த்திப் பேசுகின்றனா். பாடகா் சாம் விஷாலின் இசை நிகழ்ச்சி நடைபெறவுள்ளது. விழாவில் பங்கேற்க வரும் கா்நாடக முதல்வருக்கு மாவட்ட எல்லையில் பல்வேறு கலைநிகழ்ச்சிகளுடன் சிறப்பான வரவேற்பளிக்கப்படவுள்ளது என்று தெரிவிக்கப்பட்டுள்ளது.