» செய்திகள் - விளையாட்டு » தமிழகம்
விஜய் வேளாங்கண்ணி வருகை திடீர் ரத்து : திருப்பலி தாமதம், தொண்டர்கள் ஏமாற்றம்!
சனி 2, மே 2026 11:58:31 AM (IST)
தமிழக சட்டமன்றத் தேர்தல் வாக்கு எண்ணிக்கைக்கு இன்னும் ஒரு நாளே உள்ள நிலையில், நாகை மாவட்டம் வேளாங்கண்ணிக்கு வருவதாக இருந்த தமிழக வெற்றிக் கழகத் தலைவர் விஜய்யின் பயணம் திடீரென ரத்து செய்யப்பட்டுள்ளது. இதனால் அவரைக்காண அதிகாலை முதல் காத்திருந்த தொண்டர்கள் ஏமாற்றமடைந்தனர்.
தமிழக சட்டமன்றத் தேர்தலில் தனித்துப் போட்டியிட்டுள்ள த.வெ.க., பெரும் வெற்றியைப் பெற வேண்டி அக்கட்சியின் தலைவர் விஜய் ஆன்மிகப் பயணங்களை மேற்கொண்டு வருகிறார். கடந்த சில நாட்களுக்கு முன்பு திருச்செந்தூர் முருகன் கோவிலில் விஸ்வரூப தரிசனம் செய்தவர், அதன் தொடர்ச்சியாகச் ஷீரடி சாய்பாபா கோவிலுக்கும் சென்று வழிபாடு நடத்தினார்.இதன் தொடர்ச்சியாக, இன்று (சனிக்கிழமை) வேளாங்கண்ணி புனித ஆரோக்கிய மாதா பேராலயம் மற்றும் நாகூர் தர்காவிற்கு விஜய் நேரில் வந்து வழிபாடு நடத்துவார் எனத் தகவல்கள் வெளியாகின. அவர் திருச்சியில் இருந்து கார் மூலம் வேளாங்கண்ணிக்கு வருவார் என எதிர்பார்க்கப்பட்டதால், நாகை மற்றும் சுற்றுவட்டார மாவட்டங்களைச் சேர்ந்த த.வெ.க. தொண்டர்கள் அதிகாலை 3 மணி முதலே பேராலய வளாகத்தில் குவியத் தொடங்கினர்.
நேரம் கடந்தும் விஜய் வராததால் ஏமாற்றமடைந்த தொண்டர்கள், பேராலய வளாகத்தில் 'டி.வி.கே., டி.வி.கே.' என முழக்கமிட்டனர். இதனால் அங்கு நடைபெறவிருந்த திருப்பலி சுமார் 30 நிமிடங்கள் தாமதமாகத் தொடங்கியது. இறுதியாக விஜய்யின் வருகை ரத்து செய்யப்பட்டதை அறிந்த ரசிகர்கள் ஏமாற்றத்துடன் கலைந்து சென்றனர்.
வாக்கு எண்ணிக்கை ஆலோசனை: நாளை (ஞாயிற்றுக்கிழமை) சட்டமன்றத் தேர்தல் வாக்கு எண்ணிக்கை நடைபெறவுள்ள நிலையில், சென்னை பனையூரில் உள்ள கட்சி அலுவலகத்தில் வாக்கு எண்ணிக்கை கண்காணிப்பு மற்றும் அடுத்தகட்ட நடவடிக்கைகள் குறித்து நிர்வாகிகளுடன் விஜய் முக்கிய ஆலோசனை நடத்த உள்ளது குறிப்பிடத்தக்கது.
மக்கள் கருத்து
மேலும் தொடரும் செய்திகள்
நாளை நீட் தேர்வு: மாணவர்களுக்கு என்.டி.ஏ வழங்கிய முக்கிய அறிவுரைகள்!
சனி 2, மே 2026 12:45:41 PM (IST)
சங்கரன்கோவிலில் புத்தகத் திருவிழா தொடக்கம்: 1 லட்சம் புத்தகங்கள் குவிப்பு - 10% தள்ளுபடி அறிவிப்பு!
சனி 2, மே 2026 12:12:30 PM (IST)
மே 11 முதல் ஒருங்கிணைந்த தொழில்நுட்பப் பணிகளுக்கான கலந்தாய்வு: டிஎன்பிஎஸ்சி அறிவிப்பு
சனி 2, மே 2026 11:12:22 AM (IST)
வாக்கு எண்ணிக்கைக்கு முன்பே வைரலாகும் பதிவு: விஜய்க்கு இளையராஜா மறைமுக வாழ்த்து?
சனி 2, மே 2026 10:52:37 AM (IST)
சுற்றுலா சென்ற இடத்தில் நேர்ந்த சோகம்: படகு விபத்தில் ஒரே குடும்பத்தைச் சேர்ந்த 5பேர் பலி!
சனி 2, மே 2026 10:25:53 AM (IST)
நெல்லையில் சூறைக் காற்றுடன் திடீர் கனமழை : மின்கம்பங்கள், மரங்கள் சாய்ந்தன!
சனி 2, மே 2026 8:48:01 AM (IST)
சட்டவிரோத மது விற்பனை: வாலிபர் கைது; 500-க்கும் மேற்பட்ட மது பாட்டில்கள் பறிமுதல்!
வெள்ளி 1, மே 2026 7:37:00 PM (IST)
Sponsored Ads
