தொழில்நுட்பக் கோளாறால் சுரங்கப் பாதையில் நின்ற மெட்ரோ ரயில்: பயணிகள் மீட்பு!!

தொழில்​நுட்​பக் கோளாறால், சென்னை சென்ட்​ரல் - உயர்​நீ​தி​மன்​றம் இடையே சுரங்​கப் பாதை​யில் நடு​வழி​யில் மெட்ரோ ரயில் நேற்று அதி​காலை திடீரென நின்​றது. இதனால், தவித்த பயணி​கள் பத்​திர​மாக மீட்​கப்​பட்​டனர்.

சென்​னை​யில் இரண்டு வழித்​தடங்​களில் 54 கி.மீ. தொலை​வுக்கு மெட்ரோ ரயில்கள் இயக்​கப்​படு​கின்​றன. விரை​வான, பாது​காப்​பான, சொகு​சான பயணத்​துக்கு ஏற்​ற​தாக இருப்​ப​தால், மெட்ரோ ரயில்​களில் பயணிப்​போர் எண்​ணிக்கை உயர்​கிறது. மேலும், மழை​காலத்​தில் மெட்ரோ ரயில் மக்​களுக்கு பேருத​வி​யாக இருக்​கிறது. 

இந்​நிலை​யில், தொழில்​நுட்ப கோளாறால், சுரங்​கப்​பாதை​யில் நடு​வழி​யில் மெட்ரோ ரயில் நின்ற சம்​பவம் அதிர்ச்​சியை ஏற்​படுத்​தி​யுள்​ளது. விமான நிலை​யத்​தில் இருந்து விம்கோ நகருக்கு நேற்று அதி​காலை மெட்ரோ ரயில் புறப்​பட்டு சென்று கொண்​டிருந்​தது. சென்ட்​ரல் - உயர்​நீ​தி​மன்​றம் இடையே சென்ற போது, திடீரென தொழில்​நுட்​பக் கோளாறு ஏற்​பட்​டது. இதனால், சுரங்​கப் பாதை​யில் நடு​வழி​யில் மெட்ரோ ரயில் நின்​றது. இதனால், பயணி​கள் குழப்​பமடைந்​தனர்.

இதுத​விர, மின்​சா​ரம் தடைப்​பட்டு ரயிலுக்​குள் இருந்த மின்​விளக்​கு​களும் அணைந்​தன. இதனால், ரயி​லில் இருந்த பயணி​கள் கடும் அச்​ச​மும், பீதி​யும் அடைந்​தனர். சுரங்​கப் பாதை​யில் பயணி​கள் ரயி​லில் சிக்கி 10 நிமிடத்​துக்கு மேல் இருந்த நிலை​யில், மெட்ரோ ரயில் நிர்​வாகத்​தின் அறி​விப்பு வெளி​யானது. அதில், அரு​கில் உள்ள நீதி​மன்​றம் நிலை​யத்​துக்கு பயணி​கள் செல்​லு​மாறு அறி​வுறுத்​தப்​பட்​டது.

இதையடுத்​து, ரயி​லில் இருந்து மீட்​கப்​பட்ட பயணி​கள் சுரங்​கப் பாதையை ஒட்​டி, நடை​பாதை வழி​யாக நடந்து சென்​றனர். 500 மீட்​டர் தூரத்​துக்கு நடந்து சென்​று, உயர்​நீ​தி​மன்ற மெட்ரோ நிலை​யத்தை அடைந்​தனர். அவசர காலத்​தில் பயணி​கள் சுரங்​கப் பாதை​யில் இருந்து வெளியே வர அமைக்​கப்​பட்ட வழி​யாக, ஒவ்​வொரு பயணியாக வரிசை​யாக சென்​றனர்.

சுரங்​கப் பாதை​யில் இருளில் சிக்​கிக் கொண்ட பயணி​கள் வெளியே வந்த பிறகு, நிம்​மதி பெரு​மூச்சு விட்​டனர். சென்னை மெட்ரோ ரயில் பயணி​கள் சுரங்​கப் பாதை​யில் சிக்​கிக் கொண்​டது இதுவே முதல் முறை​யாகும். இதுகுறித்​து, சென்னை மெட்ரோ ரயில் நிறு​வனம் வெளி​யிட்ட செய்​திக் குறிப்​பில், ‘தொழில்​நுட்​பக் கோளாறால், உயர்​நீ​தி​மன்ற நிலை​யம் - சென்னை சென்ட்​ரல் நிலை​யங்​களுக்கு இடையே மெட்ரோ ரயில் நிறுத்​தப்​பட்​டது.

உடனடி​யாக பயணி​கள் வெளி​யேற்​றப்​பட்​டு, தொழில்​நுட்​பக் கோளாறு சரி செய்​யப்​பட்​டது. தொடர்ந்​து, காலை 6.20 மணி முதல் மெட்ரோ ரயில் வழக்​கம் போல இயங்​கத் தொடங்​கின” என்று தெரிவிக்​கப்​பட்​டது. மெட்ரோ ரயில் சுரங்​கப் பாதை​யில் பயணி​கள் சிக்​கிக் கொண்ட சம்​பவம் பெரும் பரபரப்பை ஏற்​படுத்​தி​யது.