தங்கம் விலை வரலாறு காணாத உச்சம்: பவுன் ரூ.1 லட்சத்தை தாண்டியது!

சென்னையில் ஆபரணத் தங்கத்தின் விலை புதிய உச்சத்தை எட்டியுள்ளது. அதாவது, (டிச.15) இன்று பிற்பகலில் ஒரு கிராம் தங்கம் ரூ.12,515-க்கும், ஒரு பவுன் ரூ.1 லட்சத்தைக் கடந்தும், விற்பனை செய்யப்படுகிறது.

இந்த ஆண்டு இறுதிக்குள் தங்கம் விலை ஒரு பவுன் ரூ.1 லட்சத்தை எட்டும் என்று கணிக்கப்பட்ட நிலையில் இன்று அந்த கணிப்பு பலித்துள்ளது.காரணம் என்ன? தங்கத்தின் விலை நாளுக்கு நாள் விண்ணைத் தொடும் அளவுக்கு அதிகரித்து வருகிறது. சர்வ​தேச பொருளா​தாரச் சூழல், அமெரிக்​கா​வில் இறக்குமதி செய்​யப்​படும் இந்திய பொருட்​களுக்கு 50 சதவீதம் வரி விதிப்​பு, அமெரிக்க டாலருக்கு நிகரான இந்திய ரூபா​யின் மதிப்பு ஆகிய​வற்​றின் அடிப்படை​யில், தங்கத்தின் விலை நிர்​ண​யிக்​கப்​படுகி​றது.

இந்நிலையில் கடந்த சில நாட்களாக அமெரிக்க டாலருக்கு நிக​ரான இந்​திய ரூபாயின் மதிப்பு சரிவின் தாக்கத்தால், தங்​கம் விலை உயர்ந்​து வருகிறது. இந்நிலையில், 22 காரட் தங்கத்தின் விலை இன்று காலை கிராமுக்கு ரூ.90 உயர்ந்து, ஒரு கிராம் ரூ.12,460-க்கும், பவுனுக்கு ரூ.720 உயர்ந்து ஒரு பவுன் ரூ.99,680-க்கும் விற்பனையானது. மேலும், 24 காரட் தங்கம் ஒரு பவுன் ரூ.1,08,744 மற்றும் 18 காரட் தங்கம் ஒரு பவுன் ரூ.83,200-க்கும் விற்பனையானது.

இதனைத் தொடர்ந்து, சென்னையில் ஆபரணத் தங்கத்தின் விலை இன்று மற்றுமொரு புதிய உச்சத்தை எட்டியுள்ளது. அதாவது, பிற்பகலில் ஒரு கிராம் தங்கம் ரூ.12,515-க்கும், ஒரு பவுன் ரூ.1,00,120-க்கும் விற்பனை செய்யப்படுகிறது.

காலையில் கிராம் ஒன்றுக்கு 90 ரூபாய் அதிகரித்து ஒரு பவுன் 720 ரூபாய் அதிகரித்த நிலையில், தற்போது பவுனுக்கு ரூ.440 அதிகரித்து, ஒரு பவுன் தங்கம் ரூ.1,00,120-க்கு விற்பனையாகிறது. தற்போது ஒரு கிராம் வெள்ளி ரூ. 215-க்கும், ஒரு கிலோ கட்டி வெள்ளி ரூ. 2,15,000-க்கும் விற்பனை செய்யப்படுகிறது.