» செய்திகள் - விளையாட்டு » தமிழகம்
கோடை விடுமுறை எப்போது தொடங்கும்? தேர்வு அட்டவணை மாற்றம்: அதிகாரிகள் விளக்கம்!!
வியாழன் 4, ஏப்ரல் 2024 8:29:21 AM (IST)
தமிழ்நாட்டில் ஆண்டு இறுதித்தேர்வு அட்டவணை மாற்றத்தால் கோடை விடுமுறை தொடர்பாக குழப்பம் ஏற்பட்டுள்ள நிலையில் கல்வித்துறை அதிகாரிகள் விளக்கம் அளித்தனர்.
பிளஸ்-2, பிளஸ்-1 வகுப்பு மாணவ-மாணவிகளுக்கு பொதுத்தேர்வு நிறைவு பெற்றுவிட்டது. அதனைத்தொடர்ந்து எஸ்.எஸ்.எல்.சி. மாணவர்களுக்கு வருகிற 8-ந் தேதியுடன் முடிவடைய இருக்கிறது. இதனைத் தொடர்ந்து 1 முதல் 9-ம் வகுப்பு வரையிலான மாணவ-மாணவிகளுக்கு நாடாளுமன்ற தேர்தலை முன்னிட்டு முன்கூட்டியே ஆண்டு இறுதித்தேர்வை நடத்தி முடிக்க பள்ளிக்கல்வித்துறை முடிவு செய்து அதற்கேற்றாற்போல் அட்டவணையையும் வெளியிட்டது.
2-ந் தேதி தொடங்கி 12-ந் தேதியுடன் தேர்வு நிறைவு பெறுவதாகவும், 13-ந் தேதி முதல் கோடை விடுமுறை விடப்படுவதாகவும் அந்த அட்டவணையில் தெரிவிக்கப்பட்டு இருந்தது. இந்த நிலையில் கடந்த 29-ந் தேதி ஆண்டு இறுதித்தேர்வு அட்டவணையில் சில மாற்றங்கள் செய்யப்பட்டு இருப்பதாக பள்ளிக்கல்வித்துறை அறிவிப்பு ஒன்றை வெளியிட்டது.
அதில் ரம்ஜான் பண்டிகையை முன்னிட்டு 10 மற்றும் 12-ந் தேதிகளில் 4 முதல் 9-ம் வகுப்பு வரையிலான மாணவ-மாணவிகளுக்கு நடத்தப்பட இருந்த அறிவியல், சமூக அறிவியல் தேர்வுகளை முறையே வருகிற 22 மற்றும் 23-ந் தேதிகளுக்கு மாற்றி அமைக்கப்பட்டுள்ளதாக தெரிவித்திருந்தது.
இதனால் ஏற்கனவே அறிவிக்கப்பட்டு இருந்த கோடை விடுமுறை எப்போது தொடங்கும்? அதுமட்டுமல்லாமல், தேர்வு தேதி மாற்றப்பட்ட நாட்களில் அதாவது, 10 மற்றும் 12-ந் தேதிகளில் வகுப்புக்கு வர வேண்டுமா? 12-ந் தேதியில் இருந்து 22-ந் தேதி வரையிலான இடைப்பட்ட நாட்களில் (சனி மற்றும் ஞாயிற்றுக்கிழமை நீங்கலாக) பள்ளிக்கு மாணவர்கள் வர வேண்டுமா? என்ற குழப்பத்தில் மாணவ-மாணவிகளும், பெற்றோரும் இருந்து வருகின்றனர்.
இதுதொடர்பாக பள்ளிக்கல்வித்துறை உயர் அதிகாரிகளை தொடர்புகொண்டு கேட்டபோது, ‘10 மற்றும் 12-ந் தேதிகளில் நடத்தப்பட இருந்த தேர்வுகள் மட்டுமே 22 மற்றும் 23-ந் தேதிகளுக்கு மாற்றப்பட்டு உள்ளது. எனவே 10 மற்றும் 12-ந் தேதிகளில் வகுப்பு நடைபெறும். அதன்பின்னர், 22 மற்றும் 23-ந் தேதி நடைபெறும் தேர்வுக்கு மட்டும் மாணவர்கள் வந்தால் போதும். இடைப்பட்ட நாட்கள் ஏற்கனவே வெளியிட்டு இருந்த அறிவிப்புபடி கோடை விடுமுறை கணக்கில்தான் வரும்.
ஆசிரியர்களை பொறுத்தவரையில், இடைப்பட்ட இந்த நாட்களில் தேர்தல் பணிகளில் ஈடுபடுவார்கள். மேலும் அவர்களுக்கு 26-ந் தேதி வரை வேலை நாட்கள் இருக்கிறது' என்றனர். 10 மற்றும் 12-ந் தேதிகளில் தேர்வு இல்லை. ஆனால் பள்ளிக்கு வரவேண்டும் என்று பள்ளிக்கல்வித்துறை தெரிவித்திருக்கும் நிலையில், அந்த நாளில் ஏற்கனவே வெளியிட்டிருந்த அட்டவணைப்படியே தேர்வை நடத்திவிடலாமே என்று கல்வியாளர்களும், பெற்றோரும் கருத்துகளை தெரிவித்துள்ளனர்.
மக்கள் கருத்து
BhuvanaApr 6, 2024 - 06:35:52 AM | Posted IP 162.1*****
10,12 exam venum
NavaApr 6, 2024 - 03:50:28 AM | Posted IP 172.7*****
இந்த அரசு சிறுபான்மையினரை தாஜா செய்து ஆட்சி நடத்திக்கொண்டு இருக்கிறார்கள்.இது தவறான முன்னுதாரணம்
JothikumarApr 5, 2024 - 10:33:15 PM | Posted IP 162.1*****
Muthalil 1 to 5 STD seekiram vidunga 13 th vaara sun 🌞 heavy please
ஆட்டோகாரன்Apr 5, 2024 - 09:46:50 PM | Posted IP 162.1*****
தேவையில்லா ஆணி
தேர்வு நேர மாற்றம்.....
12 ம் தேதிக்கு முன்னர் தேர்வு வைப்பது குழந்தைகளுக்கு நலம்....
விஐயலட்சுமிApr 5, 2024 - 04:47:16 PM | Posted IP 162.1*****
தயவு செய்து10மற்றும்12 தேதியில் தேர்வுவை நடத்த வேண்டும். நாங்கள் சொந்த ஊருக்குதேர்தலுக்கு சென்று வருவதில் சிரமம் ஏற்பாடுகிறது
josephine maryApr 5, 2024 - 03:48:32 PM | Posted IP 162.1*****
வெயிலின் தாக்கம் அதிகமாக உள்ளது எனவே 10 மற்றும் 12 தேதிகளில் அறிவியல், சமூக அறிவியல் தேர்வுகளை நடத்தினால் குழந்தைகளுக்கு நலம்.
ArunaApr 5, 2024 - 11:37:47 AM | Posted IP 172.7*****
Please re schedule exam date as pervious time table. Because students are not enjoy the holiday. Science and social exam burden in students head.
ராபின் சன்Apr 5, 2024 - 09:16:32 AM | Posted IP 162.1*****
ஏற்கனவே கூறிஇருந்தபடி தேர்வுகளை முடித்து மாணவசெல்வங்களை இந்த கடுமையான வெப்பத்திலிருந்து பாதுகாக்க வேண்டும் .
Nisha EApr 4, 2024 - 09:54:07 PM | Posted IP 172.7*****
no need to change the exam date because once the exam over people will go their native place peacefully and important student also they suffer a lot because climate condition and a long break after 2 exam so it's not a proper decision
M.santhanamApr 4, 2024 - 09:28:37 PM | Posted IP 162.1*****
Yan sir epdi pantrnka pavam pasanka 10/12exam irukatom epdi mathi mathi panathinka veil atikurathaa parunga pavam chinna pasanga
மீனாட்சிApr 4, 2024 - 09:24:20 PM | Posted IP 162.1*****
10மற்றும்12 தேதிகளில் தேர்வை நடத்தி முடிக்கலாம்
ஆதிராApr 6, 2024 - 03:14:22 PM | Posted IP 162.1*****