» செய்திகள் - விளையாட்டு » தமிழகம்
தஞ்சை பெரிய கோயில் பராமரிப்பு பணி குறித்து அவதூறு : தமிழ்நாடு அரசு எச்சரிக்கை
வியாழன் 2, மே 2024 4:51:54 PM (IST)
தஞ்சை பெரிய கோயில் பராமரிப்பு பணி தொடர்பாக அவதூறு பரப்பினால் கடும் நடவடிக்கை எடுக்கப்படும் என தமிழ்நாடு அரசு எச்சரிக்கை விடுத்துள்ளது.
தஞ்சை பெரிய கோயில் பராமரிப்பு பணிகள் அனைத்தும் இந்திய தொல்லியல் துறையால் மட்டுமே மேற்கொள்ளப்படுகிறது. பெரிய சன்னதியின் பின்புறத்தில் உள்ள தரைதளம் பராமரிப்பு பணிகளையும் இந்திய தொல்லியல் துறையே மேற்கொண்டுள்ளது. ஆனால் பெருவுடையார் கோயிலை சிதைக்கும் நோக்கில் இந்து அறநிலையத்துறை செயல்படுவதாக தவறான தகவல் பரப்பப்படுகிறது என விளக்கம் அளிக்கப்பட்டுள்ளது.
மேலும் இதுகுறித்து வெளியான அறிக்கையில்; "தஞ்சாவூர் அருள்மிகு பெருவுடையார் திருக்கோயிலின் அசைக்கும் வகையில் தரைத்தளங்களை உடைத்து அடித்தளத்தை இந்து சமய அறநிலையத்துறையால் பணிகள் மேற்கொள்ளப்பட்டு வருவதாக ஒரு காணொளி காட்சி வலைத்தளங்களில் பகிரப்பட்டு வருகிறது.
தஞ்சாவூர் அருள்மிகு பெருவுடையார் திருக்கோயில் மத்திய அரசின் கீழ் உள்ள இந்திய தொல்லியல் துறையின் கட்டுப்பாட்டில் உள்ளது. இத்திருக்கோயில் பராமரிப்பு பணிகள் அனைத்தும் இந்திய தொல்லியல் துறையினரால் மட்டுமே மேற்கொள்ளப்படும். இந்து சமய அறநிலையத்துறையால் தினசரி பூஜைகள் மற்றும் திருவிழாக்கள் மட்டுமே நடத்தப்பட்டு வருகிறது.
இந்நிலையில் சன்னதியின் பின்புறத்தில் உள்ள தரைத்தளம் மேடு பள்ளங்களுடன் பக்தர்கள் மற்றும் சுற்றுலா பயணிகள் நடப்பதற்கு சிரமமாக உள்ளதால் தரைத்தளத்தில் பராமரிப்பு பணிகள் இந்திய தொல்லியல் துறையால் மேற்கொள்ளப்பட்டு வருகிறது. ஆனால் பெருவுடையார் திருக்கோயிலை சிதைக்கும் நோக்கில் இந்து சமய அறநிலையத்துறை செயல்பட்டு வருவதாக தவறான செய்தி வலைத்தளங்களில் பகிரப்பட்டு வருகிறது.
இத்திருக்கோயிலில் நடைபெற்று வரும் பணிகள் குறித்து இந்திய தொல்லியல் துறையின் மூலம் அறிக்கை வெளியிடப்பட்டுள்ளது. இந்து சமய அறநிலைத்துறையின் மீது அவதூறு பரப்பும் வகையில் காணொளி காட்சி வெளியிட்ட நபர்கள் மீது சட்டப்படி நடவடிக்கை எடுக்கப்படும்” என தெரிவிக்கப்பட்டுள்ளது.
மக்கள் கருத்து
மேலும் தொடரும் செய்திகள்
தமிழகத்தில் கல்வி கருணாநிதி மயமாக்கப்பட்டு வருகிறது : தமிழிசை சவுந்திரராஜன் குற்றச்சாட்டு!
வெள்ளி 17, மே 2024 12:10:38 PM (IST)
தமிழகம் முழுவதும் பரவலாக கோடை மழை : வெயிலின் தாக்கம் தணிந்தது
வெள்ளி 17, மே 2024 10:23:08 AM (IST)
வண்டலூர் உயிரியல் பூங்காவில் ஊழியரை முதலை கடித்து இழுத்து சென்றதால் பரபரப்பு!
வெள்ளி 17, மே 2024 8:57:53 AM (IST)
நெல்லை ஆட்சியர் அலுவலகத்தில் தீக்குளித்த வாலிபர் பரிதாப சாவு
வெள்ளி 17, மே 2024 8:56:53 AM (IST)
தூத்துக்குடியில் உப்பளங்கள் நீரில் மூழ்கின: உற்பத்தியாளர்கள் கவலை
வெள்ளி 17, மே 2024 8:50:58 AM (IST)
அரசு மருத்துவமனையில் பிறந்த குழந்தை திடீரென இறந்ததால் உறவினர்கள் போராட்டம்
வெள்ளி 17, மே 2024 8:43:24 AM (IST)
நெல்லை, தென்காசி மாவட்டங்களில் விடிய விடிய கொட்டித்தீர்த்த கனமழை!
வியாழன் 16, மே 2024 4:43:39 PM (IST)
