» செய்திகள் - விளையாட்டு » தமிழகம்
அதிமுக ஆட்சியில் தூத்துக்குடி தொகுதி வளர்ச்சி : வேட்பாளர் சி.த.செல்லப்பாண்டியன் பிரச்சாரம்!
வியாழன் 2, ஏப்ரல் 2026 10:20:49 AM (IST)

தூத்துக்குடி தொகுதியின் வளர்ச்சிக்கு எம்.ஜி.ஆர் மற்றும் ஜெயலலிதா ஆகியோர் செய்த சாதனைகள் ஏராளம் என்று அக்கட்சியின் வேட்பாளர் சி.த.செல்லப்பாண்டியன் கூறினார்.
தூத்துக்குடி நாடாளுமன்றத் தொகுதியில் போட்டியிடும் அதிமுக வேட்பாளர் சி.த.செல்லப்பாண்டியன், தனது தேர்தல் பிரச்சாரத்தின் போது அதிமுக ஆட்சியின் சாதனைகளை எடுத்துக்கூறி தீவிர வாக்குச் சேகரிப்பில் ஈடுபட்டார்.
தூத்துக்குடி சட்டமன்றத் தொகுதிக்குட்பட்ட சிதம்பர நகர் மற்றும் முத்தையாபுரம் பஜார் ஆகிய இடங்களில் தெருமுனைப் பிரச்சாரக் கூட்டங்கள் நடைபெற்றன. இக்கூட்டத்திற்குச் சட்டமன்றத் தொகுதி தேர்தல் பொறுப்பாளர் ராஜா தலைமை வகித்தார். பகுதிச் செயலாளர் நட்டார் முத்து, தெற்கு மாவட்ட இளைஞர் மற்றும் இளம்பெண்கள் பாசறைச் செயலாளர் தனராஜ், பகுதிச் செயலாளர் சுடலைமணி ஆகியோர் முன்னிலை வகித்தனர்.
பிரச்சாரக் கூட்டத்தில் வேட்பாளர் சி.த.செல்லப்பாண்டியன் பேசியதாவது: "தூத்துக்குடி தொகுதியின் வளர்ச்சிக்கு எம்.ஜி.ஆர் மற்றும் ஜெயலலிதா ஆகியோர் செய்த சாதனைகள் ஏராளம். குறிப்பாக, இப்பகுதி மக்களின் நீண்ட காலத் தேவையாக இருந்த குடிநீர் திட்டங்களைக் கொண்டு வந்தது அதிமுக அரசுதான். இன்று நாம் காணும் ஸ்மார்ட் சிட்டி திட்டப் பணிகளும் அதிமுக ஆட்சிக் காலத்திலேயே தொடங்கப்பட்டவை.
மாணவர்களுக்கு இலவச மிதிவண்டி, மடிக்கணினி மற்றும் பெண்களுக்குத் தாலிக்குத் தங்கம் எனப் புரட்சிகரமான திட்டங்களைச் செயல்படுத்திய பெருமை எங்களையேச் சாரும். மீண்டும் எடப்பாடியார் தலைமையில் ஆட்சி அமைந்ததும், பெண்களுக்கு எனப் பல்வேறு புதிய நலத்திட்டங்கள் செயல்படுத்தப்படும். எனவே, பொதுமக்கள் அனைவரும் இரட்டை இலை சின்னத்திற்கு வாக்களித்து பெருவாரியான வாக்குகள் வித்தியாசத்தில் வெற்றி பெறச் செய்ய வேண்டும் என்றார்.
இந்த பிரச்சாரத்தில் அனைத்து உலக எம்.ஜி.ஆர் மன்றத் துணைச் செயலாளர் ஹென்றி, அமமுக மாநில வர்த்தக அணித் துணைச் செயலாளர் பாக்ய செல்வன், முன்னாள் மேயர் அந்தோணி கிரேஸ், பாஜக மாநிலச் செயற்குழு உறுப்பினர் விவேகம் ரமேஷ், தமிழக மக்கள் முன்னேற்றக் கழக மாவட்டச் செயலாளர் லாரன்ஸ், புரட்சி பாரதம் கட்சி மாவட்டச் செயலாளர் மாரி செல்வம் மாவட்ட வழக்கறிஞர் பிரிவுச் செயலாளர் சேகர், எம்.ஜி.ஆர் இளைஞர் அணிச் செயலாளர் வீரபாகு, அண்ணா தொழிற்சங்க மாவட்டச் செயலாளர் ராஜா, பாஜக மாவட்ட மகளிர் அணித் தலைவி வெள்ளத்தாய் உள்ளிட்ட கட்சியின் பல்வேறு அணிகளின் நிர்வாகிகள், தொண்டர்கள் மற்றும் பொதுமக்கள் பங்கேற்றனர்.
மக்கள் கருத்து
மேலும் தொடரும் செய்திகள்

திருச்சி கிழக்குத் தொகுதியில் விஜய் வேட்புமனுத் தாக்கல்: மும்முனைப் போட்டியில் த.வெ.க!
வியாழன் 2, ஏப்ரல் 2026 4:02:35 PM (IST)

ஆதவ் அர்ஜுனா கார் ஏறியதில் காவலர் கால் முறிவு: விஜய் பிரச்சாரத்தில் பரபரப்பு!
வியாழன் 2, ஏப்ரல் 2026 3:45:13 PM (IST)

தூத்துக்குடியில் தேர்தல் சோதனை தீவிரம்: ரூ.9,81,298 மதிப்பிலான இலவசப் பொருட்கள் பறிமுதல்!
வியாழன் 2, ஏப்ரல் 2026 3:19:36 PM (IST)

சிறுபான்மையின தொண்டு நிறுவனங்களைக் குறிவைப்பதா? - மத்திய அரசுக்கு ஸ்டாலின் கண்டனம்!
வியாழன் 2, ஏப்ரல் 2026 12:01:05 PM (IST)

தன்னையும் மக்களையும் நம்பாதவரே இரு தொகுதிகளில் போட்டி: விஜய் மீது சீமான் விமர்சனம்!
வியாழன் 2, ஏப்ரல் 2026 11:00:26 AM (IST)

விளாத்திகுளம் சட்டமன்ற தொகுதி வாக்குச்சாவடி மையங்களை ஆட்சியர் க.இளம்பகவத் ஆய்வு
வியாழன் 2, ஏப்ரல் 2026 10:12:28 AM (IST)


BalaApr 2, 2026 - 11:49:20 AM | Posted IP 104.2*****