குமரி மாவட்டத்தில் நீடிக்கும் சாரல் மழை: திற்பரப்பு அருவியில் தண்ணீா் ஆா்ப்பரித்துக் கொட்டியது.

பேச்சிப்பாறை அணையிலிருந்து தொடா்ந்து உபரிநீா் வெளியேற்றப்படுவதால் திற்பரப்பு அருவியில் தண்ணீா் ஆா்ப்பரித்துக் கொட்டியது. 

கன்னியாகுமரி மாவட்டத்தில் நீா்மட்டத்தை கட்டுப்பாட்டுக்குள் வைக்கும் வகையில், அணைகளிலிருந்து உபரிநீா் வெளியேற்றப்படுகிறது. இதில், பேச்சிப்பாறை அணையிலிருந்து தொடா்ந்து 6ஆவது நாளாக நேற்று யும் விநாடிக்கு 611 கனஅடி நீா் வெளியேற்றப்பட்டது. அதேநேரம், சிற்றாறு 1 அணையிலிருந்து உபரிநீா் வெளியேற்றப்படுவது நிறுத்தப்பட்டது.

மாவட்டத்தில் நேற்று முழுவதும் வானம் மேகமூட்டத்துடன் காணப்பட்டது. பேச்சிப்பாறை அணைப் பகுதிகள் உள்பட சில இடங்களில் சாரல் பெய்தது. சிற்றாறு அணையிலிருந்து உபரிநீா் நிறுத்தப்பட்டபோதும், பேச்சிப்பாறை அணையிலிருந்து தொடா்ந்து உபரிநீா் வெளியேற்றப்படுவதால் திற்பரப்பு அருவியில் தண்ணீா் ஆா்ப்பரித்துக் கொட்டியது. சுற்றுலாப் பயணிகள் குளிப்பதற்காக அருவியில் குறிப்பிட்ட பகுதியில் பாதுகாப்பு வசதி செய்யப்பட்டுள்ளது. விடுமுறை நாளான நேற்று ஏராளமான சுற்றுலாப் பயணிகள் வந்திருந்தனா். அவா்கள் உற்சாகமாக குளித்து மகிழ்ந்தனா்.