குமரி மாவட்டத்தில் மீண்டும் பலத்த மழை: அணைகளுக்கு நீா்வரத்து அதிகரிப்பு!

கன்னியாகுமரி மாவட்டத்தில் அணைப் பகுதிகளில் மழையின் காரணமாக அணைகளுக்கு நீா்வரத்து சற்று அதிகரித்துள்ளது.

குமரி மாவட்டத்தில் கடந்த சில நாள்களாக மழை சற்று தணிந்திருந்த நிலையில் வியாழக்கிழமை இரவு முதல் மீண்டும் தீவிரமடையத் தொடங்கியுள்ளது. இதனையடுத்து நேற்று பிற்பகலில் குலசேகரம், திருவட்டாறு, பொன்மனை, திருவரம்பு, திற்பரப்பு, களியல், கடையாலுமூடு, ஆலஞ்சோலை, திருநந்திக்கரை உள்ளிட்ட இடங்களில் பலத்த மழை பெய்தது. மேலும் பேச்சிப்பாறை, பெருஞ்சாணி மற்றும் சிற்றாறு அணைப் பகுதிகளிலும் மிதமான மழை பெய்தது. மழையின் காரணமாக அணைகளுக்கு நீா்வரத்து சற்று அதிகரித்துள்ளது.