» செய்திகள் - விளையாட்டு » மாவட்ட செய்தி (கன்னியாகுமரி)
கலைவாணர் என்.எஸ்.கிருஷ்ணன் பிறந்தநாள்: விஜய் வசந்த் எம்பி மரியாதை!
புதன் 29, நவம்பர் 2023 3:24:15 PM (IST)
கலைவாணர் என்.எஸ்.கிருஷ்ணன் பிறந்தநாளை முன்னிட்டு அவரது சிலைக்கு விஜய் வசந்த் எம்பி மாலை அணிவித்து மரியாதை செலுத்தினார்.
தனது நகைச்சுவை மூலம் தமிழ் சினிமாவில் புரட்சிக்கு வித்திட்ட கலைஞர்களில் முக்கியமானவர் நடிகர் என்.எஸ்.கிருஷ்ணன். ‘கலைவாணர்’ என ரசிகர்களால் அன்போடு அழைக்கப்படும் அவரது 115 வது பிறந்தநாள் இன்று கொண்டாடப்படுகிறது.
இதனை முன்னிட்டு நாகர்கோவில் மாநகர காங்கிரஸ் கட்சி சார்பில் கன்னியாகுமரி பாராளுமன்ற உறுப்பினர் விஜய்வசந்த் தலைமையில் மாநகர மாவட்ட தலைவர் நவீன்குமார் முன்னிலையில் நாகர்கோவில் மணிகூண்டு சந்திப்பில் அமைந்துள்ள என். எஸ். கே திருஉருவச்சிலைக்கு மாலை அணிவித்து மரியாதை செலுத்தினார். இதில் காங்கிரஸ் நிர்வாகிகள் பலர் கலந்து கொண்டனர்.