» செய்திகள் - விளையாட்டு » இந்தியா
பெண்களுக்கு மாதவிடாய் கால விடுமுறை தேவையற்றது : மத்திய அமைச்சர் ஸ்மிருதி இரானி
வியாழன் 14, டிசம்பர் 2023 5:28:32 PM (IST)
பெண்களுக்கு பணியிடங்களில் ஊதியத்துடன் கூடிய மாதவிடாய் விடுமுறையை கட்டாயமாக்குவது தேவையற்றது என்று மத்திய அமைச்சர் ஸ்மிருதி இரானி தெரிவித்துள்ளார்.
நாடாளுமன்ற குளிர்காலக் கூட்டத்தொடர் கடந்த 4 ஆம் தேதி தொடங்கி நடைபெற்றுவருகிறது. இந்த சூழலில் நாடாளுமன்ற தாக்குதல் நினைவு தினமான நேற்று (டிச. 13ம் தேதி) மீண்டும் நாடாளுமன்ற மக்களவையில் பாதுகாப்பு அத்துமீறல் நடந்தது. இந்த சம்பவம் நாடு முழுவதும் பெரும் பரபரப்பை ஏற்படுத்தியது.இந்நிலையில், மாதவிடாய் குறித்து நேற்று மாநிலங்களவையில் பெண்கள் மற்றும் குழந்தைகள் மேம்பாட்டுத்துறை அமைச்சர் ஸ்மிருதி இரானி தெரிவித்துள்ள பதில் பெரும் சலசலப்பை ஏற்படுத்தியுள்ளது. நாடாளுமன்ற மாநிலங்களவையில் ராஷ்ட்ரீய ஜனதா தளம் கட்சியின் உறுப்பினர் மனோஜ் குமார் ஜா, நாட்டில் மாதவிடாய் சுகாதாரக் கொள்கை குறித்து கேள்வி எழுப்பினார்.
இதற்கு பதிலளித்த மத்திய அமைச்சர் ஸ்மிருதி இரானி, "மாதவிடாய் மற்றும் மாதவிடாய் சுழற்சி ஒரு குறைபாடு (உடல் ஊனம்) இல்லை. இது இயற்கையாக பெண்கள் வாழ்வில் நடக்கும் நிகழ்வு. மாதவிடாயை சந்திக்கும் ஒரு பெண்ணாகவே இதை கூறுகிறேன். குறைந்த அளவிலான பெண்களே கடுமையான மாதவிடாய் வலியால் பாதிக்கப்படுகிறார்கள். இவை பெரும்பாலும் மருந்துகள் மூலம் சரி செய்யக்கூடியவையே.
பெண்களுக்கு பணியிடங்களில் ஊதியத்துடன் கூடிய மாதவிடாய் விடுமுறையை கட்டாயமாக்குவது தேவையற்றது. மாதவிடாய் வராத ஒருவர் மாதவிடாய் குறித்து குறிப்பிட்ட கண்ணோட்டத்தைக் கொண்டிருப்பதால், பெண்களுக்கு சம வாய்ப்புகள் மறுக்கப்படும் பிரச்சினைகளை நாம் முன்வைக்கக் கூடாது" என்று தெரிவித்தார்.
மக்கள் கருத்து
மேலும் தொடரும் செய்திகள்
என் மீதான குற்றச்சாட்டிற்கு ஆதாரம் இல்லை: உச்சநீதிமன்றத்தில் கெஜ்ரிவால் பதில் மனு
சனி 27, ஏப்ரல் 2024 4:48:59 PM (IST)
ஜெய் ஸ்ரீராம் எழுதிய மாணவர்களுக்கு மார்க் அள்ளி வீசிய பேராசிரியர்கள் சஸ்பெண்ட்!!
சனி 27, ஏப்ரல் 2024 3:56:04 PM (IST)
தமிழ்நாட்டிற்கு ரூ.276 கோடி நிவாரண நிதியை விடுவிக்க மத்திய அரசு உத்தரவு!
சனி 27, ஏப்ரல் 2024 11:49:16 AM (IST)
முதற்கட்ட தேர்தலுக்கு பிறகு பிரதமர் மோடி பீதி அடைந்துள்ளார்: ராகுல் காந்தி பேச்சு
வெள்ளி 26, ஏப்ரல் 2024 5:48:53 PM (IST)
நாடாளுமன்ற தேர்தல் 2-ம் கட்ட வாக்குப்பதிவு: கேரளாவில் 4 பேர் மயங்கி விழுந்து உயிரிழப்பு
வெள்ளி 26, ஏப்ரல் 2024 4:59:06 PM (IST)
காங்கிரஸ் மீண்டும் ஆட்சிக்கு வந்தால் மீண்டும் பழைய நிலைக்கு திரும்புவோம்: நிர்மலா சீதாராமன்
வெள்ளி 26, ஏப்ரல் 2024 3:57:32 PM (IST)
விவிபேட் தொடர்புடைய அனைத்து மனுக்களும் தள்ளுபடி : உச்ச நீதிமன்றம் உத்தரவு
வெள்ளி 26, ஏப்ரல் 2024 3:30:33 PM (IST)
