பருத்திவீரன் புகழ் கிராமிய பாடகி லட்சுமி அம்மாள் காலமானார்

» சினிமா » செய்திகள்

பருத்திவீரன் புகழ் கிராமிய பாடகி லட்சுமி அம்மாள் காலமானார்

புதன் 31, டிசம்பர் 2025 12:44:55 PM (IST)

பிரபல கிராமிய பாடகியும் பருத்திவீரன் திரைப்பட பாடகியுமான லட்சுமி அம்மாள்(75) வயது மூப்பு மற்றும் உடலநலக்குறைவுக் காரணமாக காலமானார்.

விருதுநகர் மாவட்டம், காரியாபட்டியைச் சேர்ந்தவர் லட்சுமி அம்மாள். இவர் ஆரம்பத்தில் பரவை முனியம்மாளுடன் இணைந்துதான் தென் மாவட்டங்களில் நடக்கும் கச்சேரிகளில் நாட்டுப்புறப் பாடல்களை பாடி வந்தார். பரவை முனியம்மாள் தூள் திரைப்படம் மூலம் புகழ் அடைந்த நிலையில், லட்சுமி அம்மாள் தனியாக கச்சேரி நடத்தி வந்தார்.

இந்த நிலையில், 2007 இல் திரைப்பட இயக்குநர் அமீர் இயக்கத்தில் உருவான நடிகர் கார்த்தி நடித்த பருத்திவீரன் திரைப்படத்தில் "ஊரோரம் புளிமரம், டங்கா டுங்கா" ஆகிய பிரபலமான நாட்டுப்புறப் பாடல்களை பாடியும் திரையில் தோன்றியும் ரசிகர்கள் மனங்களில் இடம் பிடித்தார்.

இந்த நிலையில், 2016 இல் ரத்த நாளத்தில் அடைப்பு ஏற்பட்டதால் அவரால் முன்புபோல் கச்சேரியில் பாட முடியாத நிலையில் 6 திரைப்படங்களோடு அவரது திரைப்பட ஆசைக்கும் கச்சேரிகளுக்கும் முடிவு ஏற்பட்டது. தொடர்ந்து தனியார், அரசு மருத்துவமனைகளில் சிகிச்சை பெற்று வந்தாலும் அவரால் ஆரோக்கியத்தை மீட்க முடியவில்லை.

இந்த நிலையில், வயது மூப்பு மற்றும் உடல்நலக் குறைவு காரணமாக நேற்று இரவு லட்சுமி அம்மாள் காலமானார். 20 வயதில் கும்மி பாட்டு, ஒப்பாரி, தாலாட்டு, தெம்மாங்கு, பக்தி, நாட்டுப்புறப் பாட்டு என கலக்கி வந்த லட்சுமி அம்மாளின் மறைவு நாட்டுப்புறக் கலையுலகிற்குப் பேரிழப்பாகும். இவரது மறைவுக்கு திரையுலகினரும், நாட்டுப்புறக் கலைஞர்களும் தங்களது இரங்கலைத் தெரிவித்து வருகின்றனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

பருத்திவீரன் புகழ் கிராமிய பாடகி லட்சுமி அம்மாள் காலமானார்

» சினிமா » செய்திகள்