ரஜினியின் ஜெயிலர் 2 படத்தில் விஜய் சேதுபதி?

நெல்சன் இயக்கத்தில் ரஜினிகாந்த் நடிப்பில் உருவாகிவரும் ‘ஜெயிலர் - 2’ திரைப்படத்தில் நடிகர் விஜய் சேதுபதி இணைந்துள்ளதாக சமூக வலைதளங்களில் தகவல் வெளியாகி உள்ளது. 

இயக்குநர் நெல்சன் - ரஜினிகாந்த் கூட்டணியில் கடந்த 2023ஆம் ஆண்டு ஜெயிலர், சன் பிக்சர்ஸ் தயாரிப்பில் உருவாகி கடந்த 2023ஆம் ஆண்டு வெளியானது. இப்படம் ரூ.525 கோடிக்கும் மேல் வசூலித்து மாபெரும் வெற்றியடைந்த நிலையில் 2 ஆம் பாகத்தின் படப்பிடிப்பு தற்போது நடைபெற்று வருகிறது. 

அனிருத் இசையில் உருவாகும் இந்தப் படத்தில், நடிகைகள் ரம்யா கிருஷ்ணன், மிர்ணா ஆகியோர் நடித்து வருகின்றனர். இந்த நிலையில், ஜெயிலர் - 2 திரைப்படத்தில் நடிகர் விஜய் சேதுபதி முக்கிய கதாபாத்திரத்தில் நடித்து வருவதாகவும், கோவாவில் அவர் நடிக்கும் காட்சிகளின் படப்பிடிப்பு நடைபெற்று வருவதாகவும் சமூக வலைதளங்களில் தகவல் வெளியாகியுள்ளது. இருப்பினும், இதுபற்றிய அதிகாரப்பூர்வ அறிவிப்பு எதுவும் இதுவரை வெளியாகவில்லை.