» சினிமா » செய்திகள்
ஹாலிவுட் நடிகர் வின் டீசல் மீது பாலியல் புகார்
சனி 23, டிசம்பர் 2023 11:48:29 AM (IST)
பிரபல ஹாலிவுட் நடிகர் வின் டீசல் மீது அவரது முன்னாள் உதவியாளர் பாலியல் புகார் அளித்துள்ளார்.
பிரபல ஹாலிவுட் நடிகர் வின் டீசல். இவர் ‘பாஸ்ட் ஆண்ட் பியூரியஸ்' வரிசை படங்கள் மூலம் உலக அளவில் புகழ் பெற்றார். இந்த வரிசையில் 10 படங்கள் வெளியாகி வசூல் சாதனை நிகழ்த்தின. வின் டீசலுக்கு தற்போது 56 வயது ஆகிறது. இந்த நிலையில் வின் டீசல் மீது அவரது முன்னாள் உதவியாளர் ஆஸ்டா ஜான்சன் பாலியல் புகார் தெரிவித்து உள்ளார். கோர்ட்டிலும் வழக்கு தொடர்ந்துள்ளார்.
அவர் தாக்கல் செய்த மனுவில், "வின் டீசல் 2010-ம் ஆண்டு செப்டம்பர் மாதம் அட்லாண்டாவில் உள்ள நட்சத்திர ஓட்டலில் அறை எடுத்து தங்கி பல பெண்களுடன் உல்லாசமாக இருந்தார். அதிகாலையில் புகைப்பட கலைஞர்கள் வருவதை அறிந்து எல்லோரையும் வெளியே போகச் செய்தோம்.
வின் டீசலை படப்பிடிப்புக்கு அழைத்து செல்லும் பணி எனக்கு ஒதுக்கப்பட்டது. அறையில் இருந்த பெண்கள் சென்ற பிறகு வின் டீசல் என்னிடம் தவறாக நடந்தார். வலுக்கட்டாயமாக இழுத்து முத்தமிட்டார். பலவந்தமாக ஆடைகளை அகற்றி பாலியல் தொல்லை கொடுத்தார். நான் அவருக்கு ஒத்துழைக்கவில்லை என்று அவரது சகோதரி என்னை உடனடியாக வேலையில் இருந்து நீக்கி விட்டார்” என்று கூறியுள்ளார். இது ஹாலிவுட் திரையுலகில் பரபரப்பை ஏற்படுத்தி உள்ளது.