ரஜினி நடிக்கும் வேட்டையன் படத்தின் டீஸர் வெளியீடு

ரஜினி நடித்து வரும் புதிய படத்திற்கு 'வேட்டையன்' என்று படக்குழு பெயரிட்டுள்ளது. மேலும் பட தலைப்புடன் டீசர் வெளியிட்டுள்ளது. 

ரஜினிகாந்த் 'ஜெயிலர்' படத்திற்கு பின்னர், ஜெய்பீம்' படத்தை இயக்கி பிரபலமான ஞானவேல் இயக்கத்தில் புதிய படத்தில் நடித்து வருகிறார். தலைவர் 170 படத்தில் ரஜினிகாந்த் உடன் அமிதாப் பச்சன், மஞ்சு வாரியர், ரித்திகா சிங், துஷாரா விஜயன், ராணா டகுபதி, பகத் பாசில் மற்றும் பலர் முக்கிய கதாபாத்திரத்தில் நடிக்கின்றனர். பெரும் எதிர்பார்ப்பில் உருவாகும் இப்படத்தின் படப்பிடிப்பு மும்பையில் நடைபெற்று வந்தது.

இந்நிலையில், நடிகர் ரஜினிகாந்த் தனது 73 வது பிறந்தநாளை முன்னிட்டு தலைவர் 170 படத்தின் தலைப்பை படக்குழு அறிவித்து இருக்கிறது. அந்த வகையில், தலைவர் 170 பெயரில் உருவாகி வந்த படத்துக்கு 'வேட்டையன்' என்று படக்குழு பெயரிட்டுள்ளது. மேலும் பட தலைப்புடன் படக்குழு டீசர் ஒன்றையும் வெளியிட்டுள்ளது. இந்த டீசர் சமூக வலைதளங்களில் வைரலாகி வருகிறது.