ஐபிஎல் 2026: அதிரடி ஆட்டத்தில் தடுமாறும் மும்பை

» செய்திகள் - விளையாட்டு » விளையாட்டு

ஐபிஎல் 2026: அதிரடி ஆட்டத்தில் தடுமாறும் மும்பை - டாடீஸ் ஆர்மி உத்தி தோல்வியா?

திங்கள் 13, ஏப்ரல் 2026 4:58:37 PM (IST)

மாறிவரும் அதிரடி ஆட்டத்திற்கு ஈடுகொடுக்க முடியாமல் மும்பை இந்தியன்ஸ் திணறி வரும் நிலையில், அனுபவ வீரர்களை மட்டுமே நம்பியிருக்கும் 'டாடீஸ் ஆர்மி' உத்தி அந்த அணிக்குப் பெரும் பின்னடைவை ஏற்படுத்தியுள்ளது.

வான்கடே மைதானத்தில் நேற்று நடைபெற்ற ஆர்சிபிக்கு எதிரான போட்டியில், மும்பை இந்தியன்ஸ் அணி தனது பழைய அதிரடி ஆட்டத்தை வெளிப்படுத்த முடியாமல் திணறியது. ஷெர்ஃபானே ரூதர்போர்ட் கடைசி நேரத்தில் 31 பந்துகளில் 9 சிக்சர்களுடன் 71 ரன்கள் விளாசவில்லை எனில், மும்பையின் தோல்வி இன்னும் மோசமானதாக இருந்திருக்கும்.

தற்போதைய ஐபிஎல் தொடரில் பவர் பிளே (முதல் 6 ஓவர்கள்) ரன் வேகம் சராசரியாக 10.47 ஆக உயர்ந்துள்ளது. சன் ரைசர்ஸ் மற்றும் பஞ்சாப் கிங்ஸ் அணிகள் பவர் பிளேயில் முறையே 105 மற்றும் 93 ரன்கள் குவித்து 'ரணகளம்' செய்து வரும் நிலையில், மும்பை அணி இதில் பின்தங்கியுள்ளது.

மும்பை இந்தியன்ஸ் நிர்வாகம் இன்னமும் ரோஹித் சர்மா, சூரியகுமார் யாதவ், ஹர்திக் பாண்டியா, திலக் வர்மா போன்ற அனுபவ வீரர்களையே (Daddies Army) நம்பியுள்ளது. ஆனால், இன்றைய ஐபிஎல் சூழலில் இளம் வீரர்களின் 'காட்டடி' தர்பாரே வெற்றியைத் தீர்மானிக்கிறது.

தவறான முடிவுகள்:

பவர் பிளே அதிரடிக்கு இஷான் கிஷன் மற்றும் அதிரடி பினிஷிங்கிற்கு டிம் டேவிட் போன்ற வீரர்களை மும்பை நிர்வாகம் கழற்றிவிட்டது பின்னடைவாகக் கருதப்படுகிறது. போலார்டுக்குப் பிறகு டிம் டேவிட் அந்த இடத்திற்குப் பொருத்தமாக இருந்தும், அவரை விடுவித்தது தவறான உத்தியாகப் பார்க்கப்படுகிறது.

154 ரன்களுக்கு நமன் தீர் ஆட்டமிழந்தபோது, கடைசி 4 ஓவர்களில் 86 ரன்கள் தேவை என்ற அசாத்திய நிலைக்கு மும்பை தள்ளப்பட்டது. மாறிவரும் டி20 வேகத்திற்கு ஏற்ப மும்பை இந்தியன்ஸ் தனது அணுகுமுறையை மாற்றிக்கொள்ளவில்லை எனில், இந்தத் தொடரில் அந்த அணி பெரும் சரிவைச் சந்திக்கும் என்பது கிரிக்கெட் விமர்சகர்களின் கருத்தாக உள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

ஐபிஎல் 2026: அதிரடி ஆட்டத்தில் தடுமாறும் மும்பை - டாடீஸ் ஆர்மி உத்தி தோல்வியா?

» செய்திகள் - விளையாட்டு » விளையாட்டு