யுவ்ராஜ் சம்ரா சதம் வீண்: கனடா அணியை வீழ்த்தி சூப்பர் 8 சுற்றுக்கு நியூசிலாந்து தகுதி!

» செய்திகள் - விளையாட்டு » விளையாட்டு

யுவ்ராஜ் சம்ரா சதம் வீண்: கனடா அணியை வீழ்த்தி சூப்பர் 8 சுற்றுக்கு நியூசிலாந்து தகுதி!

செவ்வாய் 17, பிப்ரவரி 2026 4:38:33 PM (IST)

நடப்பு டி20 உலகக்கோப்பைத் தொடரின் முக்கியமான லீக் போட்டியில், கனடா அணியை 8 விக்கெட்டுகள் வித்தியாசத்தில் வீழ்த்திய நியூசிலாந்து அணி, கம்பீரமாக சூப்பர் 8 சுற்றுக்குத் தகுதி பெற்றுள்ளது.

இப்போட்டியில் டாஸ் வென்ற கனடா அணி முதலில் பேட்டிங் செய்யத் தீர்மானித்தது. நிர்ணயிக்கப்பட்ட 20 ஓவர்களில் அந்த அணி 4 விக்கெட் இழப்பிற்கு 173 ரன்கள் குவித்தது. அந்த அணியின் தொடக்க வீரர் யுவ்ராஜ் சம்ரா அபாரமாக விளையாடி 110 ரன்கள் குவித்து அசத்தினார். நியூசிலாந்து பந்துவீச்சாளர்கள் கட்டுக்கோப்பாகப் பந்துவீச முயன்றபோதிலும், கனடா வலுவான இலக்கை நிர்ணயித்தது.

174 ரன்கள் எடுத்தால் வெற்றி என்ற இலக்குடன் களமிறங்கிய நியூசிலாந்து அணி, ஆரம்பம் முதலே அதிரடி காட்டியது. ரச்சின் ரவீந்திரா நிலைத்து நின்று ஆடி 59 ரன்கள் சேர்த்தார். க்ளென் பிலிப்ஸ் மைதானத்தின் நாலாபுறமும் பந்துகளைச் சிதறடித்து 76 ரன்கள் குவித்து அணியின் வெற்றியை உறுதி செய்தார்.

நியூசிலாந்து அணி 15.1 ஓவர்களிலேயே 2 விக்கெட் இழப்பிற்கு 176 ரன்கள் எடுத்து இலக்கை எட்டியது. அதிரடியாக விளையாடிய க்ளென் பிலிப்ஸ் ஆட்ட நாயகனாகத் தேர்வு செய்யப்பட்டார். இந்த வெற்றியின் மூலம், குரூப் டி பிரிவில் இருந்து தென்னாப்பிரிக்கா மற்றும் நியூசிலாந்து ஆகிய இரண்டு அணிகளும் அடுத்த சுற்றான சூப்பர் 8-க்கு அதிகாரப்பூர்வமாகத் தேர்வாகியுள்ளன.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

18 ஆண்டுகால பயணம் முடிவு: சிஎஸ்கே தலைமைப் பயிற்சியாளர் ஸ்டீபன் ஃப்ளெமிங் விலகல்!

யுவ்ராஜ் சம்ரா சதம் வீண்: கனடா அணியை வீழ்த்தி சூப்பர் 8 சுற்றுக்கு நியூசிலாந்து தகுதி!

» செய்திகள் - விளையாட்டு » விளையாட்டு