» செய்திகள் - விளையாட்டு » விளையாட்டு
இந்தியா - பாகிஸ்தான் டி20 உலகக்கோப்பை போட்டி: மழையினால் பாதிக்கப்பட வாய்ப்பு?
வெள்ளி 13, பிப்ரவரி 2026 8:56:31 PM (IST)
இலங்கை தலைநகர் கொழும்பில் வரும் ஞாயிற்றுக்கிழமை நடைபெறவுள்ள விறுவிறுப்பான இந்தியா - பாகிஸ்தான் இடையிலான டி20 உலகக்கோப்பை கிரிக்கெட் போட்டி, மழையினால் பாதிக்கப்பட வாய்ப்புள்ளதாகத் தெரிகிறது.
வங்கக்கடலில் நிலவும் குறைந்த காற்றழுத்தத் தாழ்வு நிலை காரணமாக, ஞாயிற்றுக்கிழமை கொழும்பில் மழை பெய்ய வாய்ப்புள்ளதாக இலங்கை வானிலை ஆய்வு மையம் வெள்ளிக்கிழமை எச்சரிக்கை விடுத்துள்ளது. இது தொடர்பாகப் பொதுமக்கள் விழிப்புடன் இருக்குமாறும் கேட்டுக்கொள்ளப்பட்டுள்ளது.
அக்யூவெதர் (Accuweather) கணிப்பின்படி, ஞாயிறு காலை மற்றும் மதிய வேளைகளில் மழை பெய்ய வாய்ப்புள்ளது. இருப்பினும், இந்திய நேரப்படி இரவு 7 மணிக்குத் தொடங்கவுள்ள போட்டியின் போது மழை பெய்ய வாய்ப்பில்லை எனக் கூறப்படுகிறது.
இந்தப் போட்டி ஏற்கனவே பல சர்ச்சைகளைக் கடந்து வந்துள்ளது. முதலில் வங்கதேசத்திற்கு ஆதரவாகப் போட்டியைப் புறக்கணிப்பதாக அறிவித்த பாகிஸ்தான், பின்னர் தனது முடிவை மாற்றிக்கொண்டு இந்தியாவுடன் விளையாடச் சம்மதித்தது. இப்போட்டியைக் காண இரு நாடுகளிலிருந்தும் ஆயிரக்கணக்கான ரசிகர்கள் கொழும்பில் குவிவார்கள் என எதிர்பார்க்கப்படுகிறது.
நடப்பு சாம்பியனான இந்திய அணி, அமெரிக்கா மற்றும் நமீபியா அணிகளுக்கு எதிரான போட்டிகளில் வெற்றி பெற்று பலமான நிலையில் உள்ளது. பாகிஸ்தான் அணி நெதர்லாந்துக்கு எதிரான போட்டியில் நூலிழையில் வெற்றி பெற்ற நிலையில், அமெரிக்காவுக்கு எதிரான போட்டியில் 32 ரன்கள் வித்தியாசத்தில் வெற்றி பெற்றது குறிப்பிடத்தக்கது.
மக்கள் கருத்து
மேலும் தொடரும் செய்திகள்
சுதர் சுழலில் சிக்கிய இலங்கை: காலே டெஸ்ட்டில் 165 ரன்கள் வித்தியாசத்தில் இந்திய அணி அபார வெற்றி!
புதன் 19, ஆகஸ்ட் 2026 3:42:33 PM (IST)
வெறும் ₹100-க்கு ஜாம்ஷெட்பூர் கால்பந்து கிளப்பை விற்பனை செய்த டாடா ஸ்டீல்!
வெள்ளி 14, ஆகஸ்ட் 2026 5:24:48 PM (IST)
வயது முக்கியமல்ல, திறமைதான் முக்கியம்: வைபவ் சூர்யவன்ஷிக்கு பிரெட் லீ பாராட்டு!
செவ்வாய் 11, ஆகஸ்ட் 2026 4:14:44 PM (IST)
காமன்வெல்த் விளையாட்டு: மும்முறை தாண்டுதல் பிரிவில் பதக்கம் வென்று தமிழக வீரர்கள் அசத்தல்!
சனி 1, ஆகஸ்ட் 2026 4:59:47 PM (IST)
சர்வதேச கிரிக்கெட்டில் இருந்து அஜின்கியா ரஹானே ஓய்வு: வீடியோ வெளியிட்டு உருக்கம்!
வியாழன் 30, ஜூலை 2026 4:44:14 PM (IST)
காமன்வெல்த் போட்டி 2026: இந்திய வீரர்கள் சாதனை!
புதன் 29, ஜூலை 2026 11:18:45 AM (IST)
இலங்கை டெஸ்ட் தொடர்: ஷுப்மன் கில் தலைமையில் இந்திய கிரிக்கெட் அணி அறிவிப்பு!
செவ்வாய் 28, ஜூலை 2026 4:46:27 PM (IST)
Sponsored Ads
