» செய்திகள் - விளையாட்டு » விளையாட்டு
டி20 போட்டிகளில் 400 பவுண்டரிகள்: அயர்லாந்து வீரர் சாதனை!
சனி 16, மார்ச் 2024 4:50:51 PM (IST)
டி20 போட்டிகளில் 400 பவுண்டரிகள் அடித்த முதல் வீரர் என்ற சாதனையை பால் ஸ்டிர்லிங் படைத்துள்ளார்.
ஆப்கானிஸ்தான் - அயர்லாந்து இடையிலான 3 போட்டிகள் கொண்ட டி20 தொடரின் முதலாவது போட்டி நேற்று நடைபெற்றது. அதில் ஆப்கானிஸ்தான் வெற்றி பெற்றது. இந்த போட்டியில் அயர்லாந்து கேப்டன் பால் ஸ்டிர்லிங் 2 பவுண்டரிகள் உட்பட 25 ரன்கள் அடித்தார்.
இந்த போட்டியில் அடித்த 2 பவுண்டரிகளையும் சேர்த்து இதுவரை டி20 போட்டிகளில் அவர் அடித்த பவுண்டரிகளின் எண்ணிக்கை 401 ஆக உயர்ந்துள்ளது. இதன் மூலம் சர்வதேச டி20 வரலாற்றில் 400 பவுண்டரிகள் அடித்த முதல் வீரர் என்ற சாதனையை அவர் படைத்துள்ளார்.
அதிக பவுண்டரி அடித்தவர்கள் பட்டியல்:-
1. பால் ஸ்டிர்லிங் - 401 பவுண்டரிகள்
2. பாபர் ஆசம் - 395 பவுண்டரிகள்
3. விராட் கோலி - 361 பவுண்டரிகள்
4. ரோகித் சர்மா - 359 பவுண்டரிகள்
5.டேவிட் வார்னர் - 320 பவுண்டரிகள்.