» செய்திகள் - விளையாட்டு » விளையாட்டு
தமிழ்நாடு கிரிக்கெட் அணிக்கு வெளி மாநில பயிற்சியாளர் வேண்டாம் : ஸ்ரீகாந்த் காட்டம்!
வியாழன் 7, மார்ச் 2024 11:11:33 AM (IST)
தமிழ்நாடு கிரிக்கெட் சங்கம் வெளிமாநில பயிற்சியாளர்களை தயவு செய்து நியமிக்க வேண்டாம் என முன்னாள் கிரிக்கெட் வீரர் கிருஷ்ணமாச்சாரி ஸ்ரீகாந்த் தெரிவித்துள்ளார்.
ரஞ்சி கோப்பை அரையிறுதி போட்டியில் தமிழ்நாடு அணி, மும்பை அணியுடனான போட்டியில் தோல்வியடைந்தது. இந்த தோல்வி குறித்து தமிழ்நாடு கிரிக்கெட் அணியின் பயிற்சியாளர் சுலக்ஷன் குல்கர்னியின் விமர்சனம் சர்ச்சையை ஏற்படுத்தியுள்ளது. மேலும் கிரிக்கெட் வீரர்கள் மற்றும் ரசிகர்களிடையே பெரும் கொந்தளிப்பையும் ஏற்படுத்தியுள்ளது.கடந்த 4ம் தேதி மும்பையில் நடைபெற்ற ரஞ்சி கோப்பையில் 2வது அரையிறுதிப்போட்டியில் தமிழ்நாடு அணி மும்பைக்கு எதிராக இன்னிங்ஸ் தோல்வி அடைந்ததையடுத்து தமிழ்நாடு அணியின் பயிற்சியாளர் "தமிழ்நாடு அணி ரஞ்சி கோப்பையில் தோல்வி அடைந்ததற்கு கேப்டன் சாய் கிஷோர் எடுத்த தவறான முடிவு காரணம்.
அவரின் தவறான முடிவு தமிழ்நாடு அணியின் ரஞ்சி கோப்பை தோல்விக்கு காரணமாக அமைந்துவிட்டது. நாங்கள் முதல் நாளில் 9 மணிக்கே போட்டியை இழந்துவிட்டோம், மும்பை அணியை பற்றி எனக்கு நன்கு தெரியும்” என தெரிவித்தார்.
இவரின் கருத்துக்கு முன்னாள் கிரிக்கெட் வீரர் கிருஷ்ணமாச்சாரி ஸ்ரீகாந்த் கடும் எதிர்ப்பு தெரிவித்துள்ளார். "இது நியாயமானது அல்ல. அன்புள்ள TNCA, தயவு செய்து இதுபோன்ற பயிற்சியாளர்களை வெளியில் இருந்து (மாநிலத்தில்) நியமிக்க வேண்டாம்” என தெரிவித்தார்.
மேலும் இந்திய கிரிக்கெட் வீரர் தினேஷ் கார்த்திக் தெரிவித்துள்ளதாவது; "நல்ல விஷயங்கள் நடக்க ஆரம்பம் என்று நினைத்து, 7 ஆண்டுகளுக்குப் பிறகு அணியை அரையிறுதிக்குக் கொண்டு வந்த கேப்டனை ஆதரிப்பதற்குப் பதிலாக, பயிற்சியாளர் இப்படி கூறியிருப்பது மிகவும் ஏமாற்றம் அளிக்கிறது” என தினேஷ் கார்த்திக் தெரிவித்துள்ளார்.
மக்கள் கருத்து
மேலும் தொடரும் செய்திகள்
ருதுராஜ், தேஷ்பாண்டே அபாரம்: ஐதராபாத் அணியை வென்றது சென்னை சூப்பர் கிங்ஸ்!
திங்கள் 29, ஏப்ரல் 2024 10:52:31 AM (IST)
பேர்ஸ்டோவ் அதிரடி சதம்: பஞ்சாப் அணி சாதனை வெற்றி!
சனி 27, ஏப்ரல் 2024 12:01:14 PM (IST)
விராட் கோலியிடம் இது போன்ற ஆட்டத்தை எதிர்பார்க்கவில்லை: கவாஸ்கர் விமர்சனம்
வெள்ளி 26, ஏப்ரல் 2024 4:50:26 PM (IST)
ஒரு மாதத்திற்குப் பிறகு வெற்றி : ஆர்சிபி ரசிகர்கள் மகிழ்ச்சி
வெள்ளி 26, ஏப்ரல் 2024 11:50:10 AM (IST)
டெல்லி அணி 'திரில்' வெற்றி: 4 ரன் வித்தியாசத்தில் குஜராத் தோல்வி!
வியாழன் 25, ஏப்ரல் 2024 11:58:55 AM (IST)
டி20 உலகக் கோப்பை கிரிக்கெட் தூதராக உசைன் போல்ட் நியமனம்!
வியாழன் 25, ஏப்ரல் 2024 11:45:49 AM (IST)
கெய்க்வாட் சதம் வீண்: ஸ்டொய்னிஸ் அதிரடியில் சென்னையை வீழ்த்தியது லக்னோ!
புதன் 24, ஏப்ரல் 2024 11:59:44 AM (IST)
