காதல் விவகாரத்தில் சட்டக்கல்லூரி மாணவர் வெட்டிக் கொலை; பெண்ணின் தந்தை, தம்பி கைது!

» செய்திகள் - விளையாட்டு » தமிழகம்

காதல் விவகாரத்தில் சட்டக்கல்லூரி மாணவர் வெட்டிக் கொலை; பெண்ணின் தந்தை, தம்பி கைது!

ஞாயிறு 23, ஆகஸ்ட் 2026 7:53:09 PM (IST)

மானாமதுரை அருகே காதல் விவகாரம் காரணமாகச் சட்டக்கல்லூரி மாணவர் வெட்டிக்கொலை செய்யப்பட்ட சம்பவம் பெரும் பரபரப்பை ஏற்படுத்தியுள்ளது.

சிவகங்கை மாவட்டம் மானாமதுரை சின்ன புதுக்கோட்டை பகுதியைச் சேர்ந்தவர் சிவபாலன் (35). இவர் மானாமதுரை சட்டக்கல்லூரியில் 2-ஆம் ஆண்டு படித்து வந்தார். சிவபாலன் தனது உறவினரான முருகேசன் (50) என்பவரின் மகளைக் காதலித்து வந்தார். ஒரே ஊரைச் சேர்ந்தவர்கள் என்பதால் இவர்களது காதலுக்குப் பெண்ணின் குடும்பத்தினர் கடும் எதிர்ப்பு தெரிவித்தனர்.

பெண்ணின் தம்பி அருண்ராஜா (19) இவர்களது காதலைத் தீவிரமாக எதிர்த்து வந்துள்ளார். இதனால் ஆத்திரமடைந்த சிவபாலன், பெண்ணின் தம்பியைக் கொலை செய்ய முயன்றதாகக் கூறப்படுகிறது. சிவபாலன் வருவதையறிந்த பெண்ணின் தந்தை முருகேசன் மற்றும் அவரது உறவினர்கள் சிவபாலனை வழியனுப்பி கத்தி மற்றும் அரிவாளால் சரமாரியாக வெட்டினர்.

இதில் பலத்த காயமடைந்த சிவபாலன் ரத்த வெள்ளத்தில் சம்பவ இடத்திலேயே பரிதாபமாக உயிரிழந்தார். தகவலறிந்து வந்த காவல்துறையினர் உடலைக் கைப்பற்றிப் பிரேதப் பரிசோதனைக்கு அனுப்பி வைத்தனர்.

இக்கொலை தொடர்பாகப் பெண்ணின் தந்தை முருகேசன் மற்றும் தம்பி அருண்ராஜா ஆகிய இருவரையும் காவல்துறையினர் கைது செய்து விசாரணை நடத்தி வருகின்றனர். முதற்கட்ட விசாரணையில், கொலை செய்யப்பட்ட சிவபாலன் மீது ஏற்கனவே பல்வேறு குற்ற வழக்குகள் நிலுவையில் இருப்பது தெரியவந்துள்ளது. இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

காதல் விவகாரத்தில் சட்டக்கல்லூரி மாணவர் வெட்டிக் கொலை; பெண்ணின் தந்தை, தம்பி கைது!

» செய்திகள் - விளையாட்டு » தமிழகம்