» செய்திகள் - விளையாட்டு » தமிழகம்
உள்ளாட்சித் தேர்தலிலும் தவெக கூட்டணி அமோக வெற்றி பெறும்: அமைச்சர் ஸ்ரீநாத் பேச்சு!
திங்கள் 13, ஜூலை 2026 7:53:51 AM (IST)
வரவிருக்கும் உள்ளாட்சித் தேர்தலில் தமிழக வெற்றிக் கழக கூட்டணி அமோக வெற்றி பெறும் எனத் தமிழக மீன்வளம் மற்றும் மீனவர் நலத்துறை அமைச்சர் ஸ்ரீநாத் தெரிவித்துள்ளார்.
தூத்துக்குடி மாவட்டம் ஆறுமுகனேரி பேயன்விளையில் மாற்றுக்கட்சியினர் தவெகவில் இணையும் மாபெரும் நிகழ்ச்சி நடைபெற்றது. இந்நிகழ்ச்சிக்குத் தொழிலதிபரும், உப்பு உற்பத்தியாளருமான ஸ்ரீராம் விக்னேஸ்வரன் தலைமை வகித்தார். இதில், 4 ஆயிரத்திற்கும் மேற்பட்ட மாற்றுக்கட்சியினர் அமைச்சர் ஸ்ரீநாத் முன்னிலையில் தவெகவில் தங்களை இணைத்துக் கொண்டனர்.
நிகழ்ச்சியில் உரையாற்றிய அமைச்சர் ஸ்ரீநாத், பொதுமக்களின் நலனுக்காக அனைத்து அடிப்படை வசதிகளையும் செய்து கொடுக்கத் தமிழக முதல்வர் அறிவுறுத்தியுள்ளார் எனக் குறிப்பிட்டார். இதற்கேற்ப, மக்களின் அத்தியாவசியத் தேவைகள் அனைத்தும் உடனடியாகப் பூர்த்தி செய்து கொடுக்கப்படும் என உறுதியளித்தார்.
மேலும், திரண்டுள்ள மக்கள் கூட்டத்தைப் பார்க்கும்போது, கடந்த சட்டமன்றத் தேர்தலில் பெற்ற மாபெரும் வெற்றியைப் போலவே, வரவிருக்கும் உள்ளாட்சித் தேர்தலிலும் தவெக மற்றும் கூட்டணி வேட்பாளர்கள் அனைவரும் முழுமையாக வெற்றி பெறுவார்கள் என்றார்.
இந்நிகழ்ச்சியில் தவெக தூத்துக்குடி தெற்கு மாவட்டச் செயலாளர் பிரைட்டர், வடக்கு மாவட்டச் செயலாளர் சாமுவேல், தெற்கு மாவட்டப் பொருளாளர் சீமான் சிவக்குமார், மாவட்டத் தொழில்நுட்ப அணி அமைப்பாளர் பேர்ல்ஸ் மபத்லால், நகரச் செயலாளர் நிவாஸ் கண்ணன், நகரச் செயல்வீரர் வினித் ஜோசப், சென்னை தொழிலதிபர்கள் விநாயகமூர்த்தி, ரமேஷ் கிருஷ்ணன், மதன் கிருஷ்ணன் ஆகியோர் பங்கேற்றனர்.
மக்கள் கருத்து
மேலும் தொடரும் செய்திகள்
திருச்செந்தூர் புதிய பேருந்து நிலைய விவகாரம்: தூத்துக்குடி மாவட்ட ஆட்சியருக்கு உயர் நீதிமன்றம் நோட்டீஸ்!
வெள்ளி 17, ஜூலை 2026 5:12:51 PM (IST)
நீட் முறைகேடு போராட்டம்: சோனம் வாங்சுக்குடன் மத்திய அரசு பேச்சுவார்த்தை நடத்த சீமான் கோரிக்கை!
வெள்ளி 17, ஜூலை 2026 4:53:33 PM (IST)
எல் நினோ தாக்கம்: நெல், வாழை பயிர்களுக்குக் காப்பீடு செய்ய ஆட்சியர் அறிவுறுத்தல்!
வெள்ளி 17, ஜூலை 2026 3:56:03 PM (IST)
தமிழகத்தில் 50-க்கும் மேற்பட்ட டெண்டர்கள் ரத்து: நகராட்சி நிர்வாகத்துறை உத்தரவு
வெள்ளி 17, ஜூலை 2026 3:27:42 PM (IST)
ஊழல் புகாரில் சிக்கினால் பதவி நீக்கம்: அமைச்சரவைக் கூட்டத்தில் முதல்வர் விஜய் அறிவுறுத்தல்!
வெள்ளி 17, ஜூலை 2026 11:18:32 AM (IST)
பாராசிட்டமால் சிரப்பில் ஆல்கஹால் அளவு குறித்து வதந்தி: பொது சுகாதாரத்துறை அறிக்கை!
வெள்ளி 17, ஜூலை 2026 11:13:35 AM (IST)
கோவை, பொள்ளாச்சி, பழனி வழியாகத் திருச்செந்தூர் ரயில் சேவை: மத்திய அமைச்சரிடம் கோரிக்கை!
வெள்ளி 17, ஜூலை 2026 10:42:36 AM (IST)
Sponsored Ads
