சிறுவர்களுக்குப் பாலியல் தொந்தரவு: பள்ளி வார்டனுக்கு 7 ஆண்டுகள் கடுங்காவல் சிறை தண்டனை!

தூத்துக்குடியில் 14 வயதுடைய இரண்டு சிறுவர்களுக்குப் பாலியல் தொந்தரவு கொடுத்த வழக்கில், பள்ளி வார்டனுக்கு 7 ஆண்டுகள் கடுங்காவல் சிறை தண்டனை விதித்து போக்சோ நீதிமன்றம் இன்று தீர்ப்பளித்துள்ளது.

கடந்த 2023-ஆம் ஆண்டு தூத்துக்குடி அனைத்து மகளிர் காவல் நிலைய எல்லைக்குட்பட்ட பகுதியில், 14 வயதுடைய இரண்டு சிறுவர்களுக்குப் பாலியல் தொந்தரவு கொடுக்கப்பட்டதாகப் புகார் எழுந்தது. இது குறித்து நடத்தப்பட்ட விசாரணையின் அடிப்படையில், தூத்துக்குடி அருகே உள்ள வடக்கு காரசேரி பகுதியைச் சேர்ந்த மங்கேஷ்குமார் (26) என்பவரை அனைத்து மகளிர் காவல் நிலைய போலீசார் போக்சோ சட்டத்தின் கீழ் கைது செய்து சிறையில் அடைத்தனர்.

அதன்படி, குற்றம் சாட்டப்பட்ட மங்கேஷ்குமார் மீதான குற்றச்சாட்டுகள் ஆதாரங்களுடன் நிரூபிக்கப்பட்டதால், அவரை குற்றவாளி என நீதிபதி உறுதி செய்தார். இதையடுத்து, குற்றவாளி மங்கேஷ்குமாருக்கு 7 ஆண்டுகள் கடுங்காவல் சிறை தண்டனையும், 12,000 ரூபாய் அபராதமும் விதித்து நீதிபதி பிரீத்தா தனது தீர்ப்பில் உத்தரவிட்டுள்ளார். போலீசாரின் விரைவான சட்ட நடவடிக்கையால் குற்றவாளிக்குத் தண்டனை பெற்றுத்தரப்பட்டுள்ளது குறிப்பிடத்தக்கது.