திமுக கூட்டணி கட்சித் தலைவரின் மனைவி மீதே தாக்குதல்: காவல்துறைக்கு இபிஎஸ் கண்டனம்!

» செய்திகள் - விளையாட்டு » தமிழகம்

திமுக கூட்டணி கட்சித் தலைவரின் மனைவி மீதே தாக்குதல்: காவல்துறைக்கு இபிஎஸ் கண்டனம்!

புதன் 18, பிப்ரவரி 2026 3:41:47 PM (IST)

மாற்றுத்திறனாளிகள் நடத்திய போராட்டத்தின் மீது காவல்துறை நடத்திய தாக்குதல் மற்றும் சிபிஐஎம் மூத்த தலைவர் கே. பாலகிருஷ்ணனின் மனைவி ஜான்சிராணி காயமடைந்த சம்பவத்திற்கு அதிமுக பொதுச்செயலாளர் எடப்பாடி பழனிசாமி கடும் கண்டனம் தெரிவித்துள்ளார்.

உதவித்தொகை உயர்வு கோரி மாற்றுத்திறனாளிகள் சென்னையில் போராட்டத்தில் ஈடுபட்டனர். நள்ளிரவில் அவர்களைக் கைது செய்யும் நடவடிக்கையின் போது, காவல்துறை வன்முறையில் ஈடுபட்டதாகவும், மாற்றுத்திறனாளிகள் என்றும் பாராமல் அவர்களை அலைக்கழித்ததாகவும் செய்திகள் வெளியாகின.

இந்தத் தாக்குதலில் மாற்றுத்திறனாளிகள் சங்கத் தலைவரும், திமுகவின் கூட்டணிக் கட்சியான சிபிஐஎம்-ன் மூத்த தலைவர் தோழர் கே. பாலகிருஷ்ணனின் மனைவியுமான பா. ஜான்சிராணி படுகாயமடைந்து மருத்துவமனையில் அனுமதிக்கப்பட்டுள்ளார்.

எடப்பாடி பழனிசாமி கண்டனம்

இது குறித்து தனது எக்ஸ் (X) தளத்தில் பதிவிட்டுள்ள எடப்பாடி பழனிசாமி கூறியுள்ளதாவது: பாசிச மனோபாவம்: கோரிக்கைக் குரல்களை ஒடுக்க நினைப்பது முதலமைச்சர் ஸ்டாலின் அரசின் பாசிச மனோபாவத்திற்குச் சான்றாகும். கூட்டணி கட்சித் தலைவருக்கே இந்நிலை: திமுக கூட்டணிக் கட்சித் தலைவரின் மனைவியே காவல்துறை தாக்குதலுக்கு ஆளாகும் நிலைதான் இன்று தமிழகத்தில் நீடிக்கிறது.

மாற்றுத்திறனாளிகள் மீது கருணையின்றி நள்ளிரவு முழுவதும் அலைக்கழித்து, அவர்களின் அடிப்படை உரிமைகளை மறுத்துத் தாக்குதல் நடத்திய திமுக அரசுக்கு எனது கடும் கண்டனத்தைத் தெரிவித்துக் கொள்கிறேன். மேலும், மாற்றுத்திறனாளிகள் மீதான அடக்குமுறை நடவடிக்கைகளை திமுக அரசு உடனடியாகக் கைவிட வேண்டும் என்றும் அவர் வலியுறுத்தியுள்ளார்

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

திமுக கூட்டணி கட்சித் தலைவரின் மனைவி மீதே தாக்குதல்: காவல்துறைக்கு இபிஎஸ் கண்டனம்!

» செய்திகள் - விளையாட்டு » தமிழகம்