» செய்திகள் - விளையாட்டு » மாவட்ட செய்தி (கன்னியாகுமரி)
குமரி தேர்தல் களம்: 5 தொகுதிகளில் திமுக கூட்டணி முன்னிலை? விஜய் வருகையால் சவாலா?
செவ்வாய் 17, மார்ச் 2026 11:03:39 AM (IST)
தமிழக சட்டசபைத் தேர்தல் நெருங்கி வரும் சூழலில், கன்னியாகுமரி மாவட்டத்தின் 6 தொகுதிகளிலும் அரசியல் களம் சூடுபிடிக்கத் தொடங்கியுள்ளது.
தற்போதைய கள நிலவரப்படி, 5 தொகுதிகளில் திமுக கூட்டணிக்குச் சாதகமான சூழல் நிலவுவதாக அரசியல் நோக்கர்கள் கருதுகின்றனர். குறிப்பாக, நடிகர் விஜய்யின் தமிழக வெற்றிக் கழகம் மீனவ மக்களிடையே ஏற்படுத்தும் தாக்கம், பாஜகவின் வாக்கு வங்கியில் மாற்றத்தை ஏற்படுத்தும் எனக் கணிக்கப்படுகிறது.
1. கன்னியாகுமரி: இங்கு அதிமுக சார்பில் தளவாய் சுந்தரம் மீண்டும் களம் காண்பார் என எதிர்பார்க்கப்படுகிறது. அவரை எதிர்த்து திமுக நேரடியாகப் போட்டியிடத் திட்டமிட்டுள்ளது. மீனவ கிராமங்களில் விஜய்க்கு ஆதரவு அலை வீசுவது, கூட்டணிக் கட்சிகளின் வெற்றி வாய்ப்பைத் தீர்மானிக்கும் காரணியாக இருக்கும்.
2. நாகர்கோவில்: பாஜகவின் கோட்டையாகக் கருதப்படும் இத்தொகுதியில் தற்போதைய எம்.எல்.ஏ எம்.ஆர். காந்தி மற்றும் பொன். ராதாகிருஷ்ணன் ஆகியோரிடையே சீட் பெறுவதில் போட்டி நிலவுகிறது. திமுக தரப்பில் மேயர் மகேஷ் அல்லது ஹெலன் டேவிட்சன் ஆகியோர் பரிசீலனையில் உள்ளனர். எனினும், இங்கு அதிமுக - பாஜக கூட்டணி வலுவாக இருப்பதாகக் கூறப்படுகிறது.
3. குளச்சல்: காங்கிரஸ் வசம் உள்ள இத்தொகுதியில் 3 முறை எம்.எல்.ஏ-வாக இருந்த பிரின்ஸிற்குப் பதில் புதியவருக்கு வாய்ப்பு கிடைக்கலாம். பாஜக இத்தொகுதியைக் கோரும் நிலையில், சிறுபான்மையினர் மற்றும் மீனவ வாக்குகள் திமுக கூட்டணிக்குச் சாதகமாக அமைய வாய்ப்புள்ளது.
4. பத்மநாபபுரம்: அமைச்சர் மனோ தங்கராஜ் மீண்டும் களம் இறங்கும் இத்தொகுதியில், அதிமுக சார்பில் மாவட்டச் செயலாளர் ஜெயசுதர்சன் போட்டியிட வாய்ப்புள்ளது. நாடார் சமூக வாக்குகள் அதிகம் உள்ளதால், திமுக தன் பிடியைத் தக்கவைத்துக் கொள்ளும் என எதிர்பார்க்கப்படுகிறது.
5. விளவங்கோடு: பாஜக சார்பில் விஜயதரணி மீண்டும் போட்டியிட வாய்ப்புள்ள சூழலில், அவர் மீது நிலவும் அதிருப்தி காங்கிரஸின் தாரகை கத்பர்ட்டிற்குச் சாதகமாக மாறலாம். சிறுபான்மையினர் வாக்குகள் இங்குத் தீர்மானிக்கும் சக்தியாக உள்ளன.
6. கிள்ளியூர்: காங்கிரஸ் எம்.எல்.ஏ ராஜேஷ் குமார் மீண்டும் போட்டியிடுவது உறுதியாகியுள்ளது. அதிமுக கூட்டணியில் இத்தொகுதியைத் தமிழ் மாநில காங்கிரஸ் கோரி வருகிறது. சமூக வாக்குகளின் ஒருங்கிணைப்பு இங்கு திமுக கூட்டணியின் வெற்றியை எளிதாக்கலாம்.
விஜய்யின் வருகையால் மாற்றங்கள்: விஜய்யின் வருகை குறிப்பாகப் பாஜக மற்றும் அதிமுகவின் வாக்கு வங்கியில் எத்தகைய தாக்கத்தை ஏற்படுத்தும் என்பது இத்தேர்தலின் முக்கிய எதிர்பார்ப்பாக உள்ளது. திமுக - காங்கிரஸ் கூட்டணியில் தொகுதிப் பங்கீடு குறித்த இழுபறிகள் இருந்தாலும், களப்பணியில் வேகம் காட்டி வருகின்றன.
மக்கள் கருத்து
மேலும் தொடரும் செய்திகள்
தேசிய ஐஸ் ஹாக்கி போட்டியில் வெள்ளிப் பதக்கம்: கன்னியாகுமரி மாணவனுக்கு ஆட்சியர் வாழ்த்து!
செவ்வாய் 23, ஜூன் 2026 8:15:28 PM (IST)
அகஸ்தீஸ்வரத்தில் மின்சார ரயில் இன்ஜின் பராமரிப்பு தொழிற்கூடம் அமைக்க கோரிக்கை!
செவ்வாய் 23, ஜூன் 2026 3:33:50 PM (IST)
மாற்றுத்திறனாளிகளிடம் கனிவுடன் நடக்க வேண்டும் : ஓட்டுநர், நடத்துநர்களுக்கு ஆட்சியர் உத்தரவு!
திங்கள் 22, ஜூன் 2026 8:11:57 PM (IST)
பெண் குழந்தைகளைப் பாதுகாப்போம்: தோவாளையில் சிறப்பு பிங்க் கிராம சபை கூட்டம்!
சனி 20, ஜூன் 2026 5:47:51 PM (IST)
கன்னியாகுமரி மாவட்டத்திற்கு புதிய ரயில் நிறுத்தங்கள் கிடைக்குமா? பயணிகள் கோரிக்கை!
சனி 20, ஜூன் 2026 3:17:40 PM (IST)
கன்னியாகுமரி மாவட்டத்தில் டெங்கு காய்ச்சல் பரவல் தடுப்பு நடவடிக்கைகள் - ஆட்சியர் ஆய்வு!
சனி 20, ஜூன் 2026 12:48:36 PM (IST)
மூதாட்டியிடம் 8 பவுன் நகை பறித்த தூத்துக்குடி பெண் கைது: அரசுப் பேருந்தில் பரபரப்பு!
சனி 20, ஜூன் 2026 8:21:30 AM (IST)
Sponsored Ads
வாழ்த்துகள்Mar 17, 2026 - 10:36:15 PM | Posted IP 162.1*****