அமெரிக்காவின் சர்வாதிகாரப் போக்கே பேச்சுவார்த்தை தோல்விக்குக் காரணம்: ஈரான் குற்றச்சாட்டு!

பாகிஸ்தானில் நடைபெற்ற ஈரான் மற்றும் அமெரிக்கா இடையிலான உயர்மட்ட அமைதிப் பேச்சுவார்த்தை எந்தவித உடன்பாடுமின்றித் தோல்வியில் முடிவடைந்துள்ளது. அமெரிக்கா தனது பிடிவாதமான மற்றும் சர்வாதிகாரப் போக்கை கைவிட்டால் மட்டுமே தீர்வு சாத்தியம் என ஈரான் அதிபர் திட்டவட்டமாகத் தெரிவித்துள்ளார்.

பாகிஸ்தான் தலைநகர் இஸ்லாமாபாத்தில் சனிக்கிழமை நடைபெற்ற இந்தப் பேச்சுவார்த்தை சுமார் 21 மணி நேரத்திற்கும் மேலாக நீடித்தது. இதில் பங்கேற்ற முக்கியப் பிரதிநிதிகள்: துணை அதிபர் ஜே.டி. வான்ஸ், ஜாரெட் குஷ்னர் மற்றும் மத்திய கிழக்கு ஆசிய பிரதிநிதி ஸ்டீவ் விட்காஃப். நாடாளுமன்றத் தலைவர் முகமது பகெர் கலிபாஃப் மற்றும் வெளியுறவு அமைச்சர் அப்பாஸ் அராக்சி.

பேச்சுவார்த்தையின் போது ஈரான் தரப்பில் 10 அம்சத் திட்டங்கள் முன்வைக்கப்பட்டன. இருப்பினும், அமெரிக்கா விதித்த சில நிபந்தனைகளால் உடன்பாடு எட்டப்படவில்லை: ஈரான் அணு ஆயுதத் தயாரிப்பில் ஈடுபடக் கூடாது.சர்வதேச வர்த்தகப் பாதையான ஹோர்முஸ் நீரிணையை ஈரான் முழுமையாகக் கட்டுப்படுத்தக் கூடாது.

அணுஆயுதத் திட்டத்தைக் கைவிட ஈரான் மறுப்பதே பேச்சுவார்த்தை தோல்விக்குக் காரணம் என்று அமெரிக்க துணை அதிபர் ஜே.டி. வான்ஸ் விமர்சித்துள்ளார். பேச்சுவார்த்தை குறித்து ஈரான் அதிபர் மசூத் பெஷேஷ்கியன் தனது எக்ஸ் (X) தளத்தில் பதிவிட்டுள்ளதாவது: அமெரிக்க அரசாங்கம் தனது சர்வாதிகாரப் போக்கை கைவிட்டு, ஈரான் நாட்டின் உரிமைகளை மதிக்குமானால், ஓர் உடன்பாட்டை எட்டுவதற்கான வழிகள் நிச்சயமாகக் கண்டறியப்படும். 

இக்கட்டான சூழலில் திறம்படச் செயல்பட்ட எங்களது பேச்சுவார்த்தைக் குழுவினரை, குறிப்பாக எனது சகோதரர் டாக்டர் கலிபாஃப் அவர்களைப் பாராட்டுகிறேன். மத்திய கிழக்கு ஆசியாவில் நிலவும் பதற்றத்தைத் தணிக்க எடுக்கப்பட்ட இந்த முயற்சி தோல்வியடைந்தது, சர்வதேச அளவில் கவலையை ஏற்படுத்தியுள்ளது.