துபாயில் கொட்டித் தீர்த்த கனமழை: விமானங்கள் சேவை பாதிப்பு

துபாயில் புயல் காரணமாக நேற்றிரவு மிதமான மழையாக பெய்த நிலையில், இன்று காலை முதல் கனமழையாக மாறி கொட்டித் தீர்த்தது.

ஐக்கிய அரபு எமிரேட்ஸ் (யு.ஏ.இ) நாடுகளின் தலைநகர் துபாயில் கடந்த இரு வாரங்களுக்கு முன்னதாக கனமழை கொட்டித்தீர்த்தது. இதனால் ஏற்பட்ட வெள்ளப்பெருக்கால் துபாய், அபுதாபி, ஷார்ஜா போன்ற நகரங்கள் மூழ்கின. சாலைகளில் வெள்ளநீர் தேங்கியதால் போக்குவரத்து பாதிக்கப்பட்டது. விமான போக்குவரத்தும் ரத்து செய்யப்பட்டது. இந்த வெள்ளப்பாதிப்பில் இருந்து ஓரளவு மீண்டு வந்துள்ள நிலையில், தற்போது மீண்டும் துபாயில் கனமழை பெய்தது.

துபாயில் நேற்றிரவு (மே 1) புயல் காரணமாக மிதமான மழையாக பெய்த நிலையில், காலை முதல் கனமழையாக மாறி கொட்டித்தீர்த்தது. இதனால் சர்வதேச விமான நிலையமான துபாய்க்கு வந்து செல்லும் விமானங்கள் திருப்பி விடப்பட்டுள்ளன. இதனால் துபாய்க்கு செல்லும் பயணிகள் அவதியடைந்துள்ளனர். மாறிவரும் பருவநிலை காரணமாக மழை இன்னும் அதிகரிக்கலாம் எனவும் எச்சரிக்கின்றனர்.