சித்தூர் அருகே கோர விபத்து: லாரி மீது கார் மோதி ஒரே குடும்பத்தைச் சேர்ந்த 5 பேர் பலி!

» செய்திகள் - விளையாட்டு » இந்தியா

சித்தூர் அருகே கோர விபத்து: லாரி மீது கார் மோதி ஒரே குடும்பத்தைச் சேர்ந்த 5 பேர் பலி!

வியாழன் 5, மார்ச் 2026 8:36:13 AM (IST)

பெங்களூருவில் இருந்து திருப்பதிக்குச் சென்ற கார், சித்தூர் அருகே லாரி மீது மோதியதில் ஒரே குடும்பத்தைச் சேர்ந்த மூன்று பெண்கள் உட்பட ஐந்து பேர் பரிதாபமாக உயிரிழந்தனர்.

கர்நாடக மாநிலம், பெங்களூரு ராஜாஜி நகரைச் சேர்ந்தவர்கள் மோகன்தாஸ் (71), நாகராஜா ராவ் (61), குசுமா (61), ஜெயந்தி (59) மற்றும் பூஜா (33). ஒரே குடும்பத்தைச் சேர்ந்த இவர்கள் ஐந்து பேரும் நேற்று அதிகாலை பெங்களூருவில் இருந்து திருப்பதிக்கு காரில் புறப்பட்டனர்.

ஆந்திர மாநிலம், பலமனேர் பகுதியில் உள்ள கங்காவரம் பைபாஸ் சாலையில் இன்று காலை 8 மணியளவில் கார் சென்று கொண்டிருந்தது. அதே நேரத்தில், பெங்களூருவில் சிமெண்ட் பாரம் இறக்கிவிட்டு ஒரு லாரி நெல்லூர் நோக்கிச் சென்று கொண்டிருந்தது.

அப்போது, எதிர்பாராத விதமாக முன்னால் சென்ற லாரியின் பின்புறத்தில் கார் பலமாக மோதியது. இதில் காரின் முன்பகுதி முழுமையாக லாரியின் அடியில் சிக்கி உருக்குலைந்தது. காரில் இருந்த 5 பேரும் இடிபாடுகளுக்குள் சிக்கி சம்பவ இடத்திலேயே உடல் நசுங்கி உயிரிழந்தனர்.

சத்தம் கேட்டு லாரியை நிறுத்திவிட்டு ஓட்டுநர் வந்து பார்த்தபோது, விபத்தின் தீவிரம் தெரியவந்தது. இது குறித்து தகவலறிந்த கங்காவரம் மற்றும் பலமனேர் காவல்துறையினர் உடனடியாக சம்பவ இடத்திற்கு விரைந்தனர்.

பொக்லைன் இயந்திரத்தின் உதவியுடன் காரின் இடிபாடுகள் அகற்றப்பட்டு, பலியானவர்களின் உடல்கள் மீட்கப்பட்டன. பின்னர், உயிரிழந்தவர்களின் உடல்கள் உடற்கூறு ஆய்வுக்காக பலமனேர் அரசு மருத்துவமனைக்கு அனுப்பி வைக்கப்பட்டன.

இந்த விபத்து குறித்து கங்காவரம் காவல்துறையினர் வழக்குப் பதிவு செய்து விசாரணை நடத்தி வருகின்றனர். ஒரே குடும்பத்தைச் சேர்ந்த 5 பேர் விபத்தில் பலியான சம்பவம் அவர்களது உறவினர்களிடையே பெரும் சோகத்தை ஏற்படுத்தியுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

சித்தூர் அருகே கோர விபத்து: லாரி மீது கார் மோதி ஒரே குடும்பத்தைச் சேர்ந்த 5 பேர் பலி!

» செய்திகள் - விளையாட்டு » இந்தியா