தமிழ்நாடு பாடநூல், கல்வியியல் கழகத்தின் புதிய தலைவராக லயோலா மணி நியமனம்!

தமிழ்நாடு பாடநூல் மற்றும் கல்வியியல் கழகத்தின் புதிய தலைவராகத் தமிழக வெற்றிக் கழகத்தின் பேச்சாளர் லயோலா மணி நியமிக்கப்பட்டுள்ளார்.

புதிய தலைவராக நியமிக்கப்பட்டுள்ள லயோலா மணிக்கான பணி நியமன ஆணையை முதல்வர் சி. ஜோசப் விஜய் வழங்கினார். சென்னை தலைமைச் செயலகத்தில் நடைபெற்ற இந் நிகழ்வில் பள்ளிக் கல்வித் துறை அமைச்சர் ராஜ்மோகன் உடனிருந்தார். ஆட்சி மாற்றம் ஏற்பட்டதைத் தொடர்ந்து, முந்தைய திமுக ஆட்சியில் தமிழ்நாடு பாடநூல் மற்றும் கல்வியியல் கழகத்தின் தலைவராக இருந்த திண்டுக்கல் ஐ. லியோனிக்குப் பதிலாக இப் பொறுப்பு தற்போது லயோலா மணிக்கு வழங்கப்பட்டுள்ளது.

பள்ளி மாணவர்களுக்கான பாடநூல்கள் தயாரித்தல், அச்சிடுதல் மற்றும் விநியோகம் செய்தல் ஆகிய முக்கியப் பணிகளைத் தமிழ்நாடு பாடநூல் மற்றும் கல்வியியல் கழகம் மேற்கொண்டு வருகிறது. இக் கழகத்தின் தலைவராகப் பொறுப்பேற்றுள்ள லயோலா மணி, தொடர்ந்து 3 ஆண்டுகள் இப் பதவியில் நீடிப்பார்.