கன்னியாகுமரியில் 'கொங்கு நாடு உணவுத் திருவிழா தொடக்கம்: சுற்றுலாப் பயணிகளுக்கு வரவேற்பு!

» செய்திகள் - விளையாட்டு » மாவட்ட செய்தி (கன்னியாகுமரி)

கன்னியாகுமரியில் 'கொங்கு நாடு உணவுத் திருவிழா தொடக்கம்: சுற்றுலாப் பயணிகளுக்கு வரவேற்பு!

வெள்ளி 15, மே 2026 5:47:11 PM (IST)

தமிழகத்தின் பாரம்பரிய உணவுக் கலாசாரத்தை உலகிற்குப் பறைசாற்றும் வகையில், கன்னியாகுமரி 'ஓட்டல் தமிழ்நாடு' அமுதகம் உணவகத்தில் மூன்று நாட்கள் நடைபெறும் "கொங்கு நாடு உணவுத் திருவிழா 2026" இன்று (மே 15) கோலாகலமாகத் தொடங்கியது.

தமிழ்நாடு சுற்றுலா வளர்ச்சிக் கழகத்தின் கீழ் இயங்கும் அமுதகம் உணவகங்களில், 'நம் மண், நம் சுவை, நம் பாரம்பரியம்' என்ற கருப்பொருளில் இந்த விழா நடத்தப்படுகிறது. தமிழகத்தின் தனித்துவமான கொங்கு மண்டல உணவுகளை உள்நாட்டு மற்றும் வெளிநாட்டு சுற்றுலாப் பயணிகளுக்கு அறிமுகப்படுத்துவதே இதன் முக்கிய நோக்கமாகும்.

இன்று (15.05.2026) தொடங்கி வரும் ஞாயிற்றுக்கிழமை (மே 17) வரை மூன்று நாட்கள் நடைபெறுகிறது. கொங்கு மண்டலத்தின் இயற்கை மணமும், அசல் சுவையும் மாறாத பாரம்பரிய சமையல் முறைகளில் தயாரிக்கப்பட்ட பல்வேறு அசைவ மற்றும் சைவ உணவுகள் பொதுமக்களுக்குப் பரிமாறப்படுகின்றன.

தமிழர்களின் பாரம்பரிய உணவு மரபுகளைப் பாதுகாத்து அடுத்த தலைமுறைக்குக் கொண்டு செல்லும் முயற்சியாக இந்தத் திருவிழா வடிவமைக்கப்பட்டுள்ளது. இந்த உணவுத் திருவிழா குறித்த மேலதிக விபரங்களுக்கு கன்னியாகுமரி ஓட்டல் தமிழ்நாடு மேலாளரை 9176995850 என்ற தொலைபேசி எண்ணில் தொடர்பு கொள்ளலாம் எனத் தெரிவிக்கப்பட்டுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

கன்னியாகுமரி மாவட்டத்தில் புதிய ரயில் நிலையங்கள் : பயணிகள் சங்கம் கோரிக்கை!

கன்னியாகுமரியில் 'கொங்கு நாடு உணவுத் திருவிழா தொடக்கம்: சுற்றுலாப் பயணிகளுக்கு வரவேற்பு!

» செய்திகள் - விளையாட்டு » மாவட்ட செய்தி (கன்னியாகுமரி)