கில், சாய் சுதர்சன் அதிரடி: கொல்கத்தாவை வீழ்த்தியது குஜராத்!

» செய்திகள் - விளையாட்டு » விளையாட்டு

கில், சாய் சுதர்சன் அதிரடி: கொல்கத்தாவை வீழ்த்தியது குஜராத்!

செவ்வாய் 22, ஏப்ரல் 2025 10:52:36 AM (IST)

ஐபிஎல் 39-ஆவது ஆட்டத்தில், குஜராத் டைட்டன்ஸ் 39 ரன்கள் வித்தியாசத்தில் நடப்பு சாம்பியன் கொல்கத்தா நைட் ரைடா்ஸை அதன் சொந்த மண்ணில் வென்றது.

முதலில் குஜராத் 20 ஓவா்களில் 3 விக்கெட்டுகள் இழப்புக்கு 198 ரன்கள் சோ்க்க, கொல்கத்தா 20 ஓவா்களில் 8 விக்கெட்டுகள் இழப்புக்கு 159 ரன்களே எடுத்தது. முன்னதாக டாஸ் வென்ற கொல்கத்தா, பந்துவீச்சை தோ்வு செய்தது. குஜராத் இன்னிங்ஸை சாய் சுதா்சன் - கேப்டன் ஷுப்மன் கில் தொடங்கினா். உறுதியாக அமைந்த இந்தக் கூட்டணி, கொல்கத்தா பௌலா்களை திணறடித்தது.

முதல் விக்கெட்டுக்கே 114 ரன்கள் சோ்த்த இந்த பாா்ட்னா்ஷிப்பை, ஆண்ட்ரே ரஸ்ஸெல் 13-ஆவது ஓவரில் உடைத்தாா். சுதா்சன் 36 பந்துகளில் 6 பவுண்டரிகள், 1 சிக்ஸருடன் 52 ரன்களுக்கு பெவிலியன் திரும்பினாா். ஒன் டவுனாக வந்த ஜாஸ் பட்லா், தனது பங்குக்கு விளாச, கில்லுடனான அவரின் 2-ஆவது விக்கெட் கூட்டணிக்கு 58 ரன்கள் கிடைத்தது. இந்நிலையில், அதிரடி விளாசலுடன் சதத்தை நெருங்கிய கில் சாய்க்கப்பட்டாா்.

55 பந்துகளில் 10 பவுண்டரிகள், 3 சிக்ஸா்களுடன் 90 ரன்களுக்கு அவா் வெளியேற, 4-ஆவது பேட்டராக வந்த ராகுல் தெவாதியா டக் அவுட்டானாா். ஓவா்கள் முடிவில் பட்லா் 8 பவுண்டரிகளுடன் 41, ஷாருக் கான் 1 சிக்ஸருடன் 11 ரன்களுக்கு ஆட்டமிழக்காமல் இருந்தனா். கொல்கத்தா பந்துவீச்சில் வைபவ் அரோரா, ஆண்ட்ரே ரஸ்ஸெல், ஹா்ஷித் ராணா ஆகியோா் தலா 1 விக்கெட் வீழ்த்தினர்.

பின்னா் 199 ரன்களை நோக்கி விளையாடிய கொல்கத்தா அணியில், கேப்டன் அஜிங்க்ய ரஹானே மட்டும் போராடி ரன்கள் சோ்த்தாா். 5 பவுண்டரிகள், 1 சிக்ஸருடன் 50 ரன்களுக்கு அவா் ஆட்டமிழக்க, ஆண்ட்ரே ரஸ்ஸெல் 3 பவுண்டரிகள், 1 சிக்ஸருடன் 21 ரன்களுக்கு வீழ்ந்தாா்.

இதர பேட்டா்களில் ரஹ்மானுல்லா குா்பாஸ் 1, சுனில் நரைன் 2 பவுண்டரிகள், 1 சிக்ஸருடன் 17, வெங்கடேஷ் ஐயா் 14, ரிங்கு சிங் 1 பவுண்டரி, 1 சிக்ஸருடன் 17, ரமண்தீப் சிங் 1, மொயீன் அலி 0 ரன்களுக்கு விக்கெட்டை இழந்தனா்.

ஓவா்கள் முடிவில் அங்கிரிஷ் ரகுவன்ஷி 3 பவுண்டரிகள், 1 சிக்ஸருடன் 27, ஹா்ஷித் ராணா 1 ரன்னுடன் ஆட்டமிழக்காமல் இருந்தனா். குஜராத் பௌலிங்கில் பிரசித் கிருஷ்ணா, ரஷீத் கான் ஆகியோா் தலா 2, முகமது சிராஜ், இஷாந்த் சா்மா, வாஷிங்டன் சுந்தா், சாய் கிஷோா் ஆகியோா் தலா 1 என அனைத்து பந்துவீச்சாளா்களும் விக்கெட் எடுத்தனா்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

கில், சாய் சுதர்சன் அதிரடி: கொல்கத்தாவை வீழ்த்தியது குஜராத்!

» செய்திகள் - விளையாட்டு » விளையாட்டு