லாஸ் ஏஞ்​சல்ஸ் ஒலிம்பிக் கிரிக்கெட் : 6 அணிகளுக்கு மட்டுமே அனுமதி!

2028-ம் ஆண்டு லாஸ் ஏஞ்​சல்ஸில் நடைபெற உள்ள ஒலிம்​பிக்​கில் கிரிக்​கெட்​டில் 6 அணி​கள் மட்​டுமே கலந்து கொள்ளும் என தகவல் வெளியாகி உள்ளது.

அமெரிக்​கா​வின் லாஸ் ஏஞ்​சல்ஸ் நகரில் வரும் 2028-ம் ஆண்டு ஒலிம்​பிக் போட்டி நடை​பெற உள்​ளது. இந்த ஒலிம்​பிக் போட்​டி​யில் கிரிக்​கெட் சேர்க்​கப்​பட்​டுள்​ளது. இதன் மூலம் 128 வருடங்​களுக்​குப் பிறகு கிரிக்​கெட் விளை​யாட்டு ஒலிம்​பிக்குக்கு திரும்பி உள்​ளது. இந்​நிலையில், போட்டி அமைப்​பாளர்​கள் லாஸ் ஏஞ்​சல்ஸ் ஒலிம்​பிக்​கில் கிரிக்​கெட்​டில் 6 அணி​கள் மட்​டுமே கலந்து கொள்ளும் என உறுதி செய்​துள்​ளனர்.

ஆடவர் பிரி​வில் 6 அணி​களும், மகளிர் பிரி​வில் 6 அணி​களும் கிரிக்​கெட் விளை​யாட்​டில் கலந்து கொள்​ளும் என தெரிவிக்​கப்​பட்​டுள்​ளது. கடைசி​யாக 1900-ம் ஆண்டு பாரிஸ் ஒலிம்​பிக் போட்​டி​யில் கிரிக்​கெட் இடம் பெற்​றிருந்​தது. இதில் கிரேட் பிரிட்​டன், பிரான்ஸ் அணி​கள் விளை​யாடி இருந்​தன. இந்த இரு அணி​கள் இரு நாட்​கள் கொண்ட ஆட்​டத்​தில் மோதி​யிருந்​தன.

இம்​முறை லாஸ் ஏஞ்​சல்ஸ் ஒலிம்​பிக்​கில் கிரிக்​கெட் டி20 வடி​வில் இடம் பெறுகிறது. ஒவ்​வொரு அணி​யிலும் தலா 15 வீரர்​கள் இடம் பெறு​வார்​கள். இந்த வகை​யில் ஆடவர் பிரி​வில் மொத்​தம் 90 வீரர்​களும், மகளிர் பிரி​வில் மொத்​தம் 90 வீராங்​க​னை​களும் இடம் பெற வேண்​டும். சர்​வ​தேச கிரிக்​கெட் கவுன்​சிலில் ஆப்​கானிஸ்​தான், ஆஸ்​திரேலி​யா, வங்​கதேசம், இங்​கிலாந்​து, இந்​தி​யா, அயர்​லாந்​து, நியூஸிலாந்​து, பாகிஸ்​தான், தென் ஆப்​பிரிக்​கா, இலங்கை, மேற்கு இந்​தி​யத் தீவு​கள், ஜிம்​பாப்வே ஆகிய 12 நாடு​கள் முழு நேர உறுப்​பினர்​களாக உள்​ளன. இத்​துடன் 94 நாடு​கள் இணை உறுப்​பினர்​களாக உள்​ளது.

2028 ஒலிம்​பிக் கிரிக்​கெட் போட்​டிக்​கான தகுதி அளவு​கோல்​கள் இன்​னும் உறு​திப்​படுத்​தப்​பட​வில்​லை. ஆனால் விளை​யாட்டை நடத்​தும் உரிமையை பெற்​றுள்​ளதன் அடிப்​படை​யில் அமெரிக்க அணி நேரடி​யாக தகுதி பெறக்​கூடும். இதனால் 5 அணி​கள் மட்​டுமே தகுதி பெற முடி​யும் என கருதப்​படு​கிறது. இந்த 5 அணி​களும் ஒரு குறிப்​பிட்ட கட்​-ஆஃப் தேதிக்​குள் ஐசிசி தரவரிசை​யின் அடிப்​படை​யில் தேர்​வாகக்​கூடும் என எதிர்​பார்க்​கப்​படு​கிறது.

லாஸ் ஏஞ்​சல்ஸ் ஒலிம்​பிக்​கில் கிரிக்​கெட், பேஸ்​பால் உள்​ளிட்ட 5 விளை​யாட்​டு​கள் புதி​தாக சேர்க்​கப்​பட்​டுள்​ளன. இதற்கு சர்​வ​தேச ஒலிம்​பிக் கமிட்​டி​யின் செயற்​குழு ஒப்​புதல் வழங்​கி​யுள்​ளது. இதனால் 2024-ம் ஆண்டு பாரிஸ் ஒலிம்​பிக் போட்​டியை​விட 22 பதக்க போட்​டிகள் அதி​கரிக்​கப்​பட்​டுள்​ளது. மொத்​தம் 351 பதக்க போட்​டிகள் நடை​பெறும். புதி​தாக 5 விளை​யாட்​டு​கள் சேர்க்​கப்​பட்​டுள்​ள​தால் 698 வீரர், வீராங்​க​னை​கள் கூடு​தலாக பங்​கேற்​பார்​கள். வரலாற்​றில் முதன்​முறை​யாக, அனைத்து குழு விளை​யாட்​டு​களி​லும் ஆண்​களுக்கு சமமான எண்​ணிக்​கையி​லான பெண்​கள்​ அணி​கள்​ இருக்​கும்​.