» செய்திகள் - விளையாட்டு » விளையாட்டு
யு19 ஆசியக் கோப்பை கிரிக்கெட் : பாகிஸ்தான் சாம்பியன்!
திங்கள் 22, டிசம்பர் 2025 10:14:48 AM (IST)
19 வயதுக்குட்பட்டோர் ஆசியக் கோப்பை கிரிக்கெட் போட்டியில் இந்தியாவை வீழ்த்தி பாகிஸ்தான் அணி சாம்பியன் பட்டம் வென்றது.
இந்தப் போட்டி ஐக்கிய அரபு அமீரகத்தின் துபாய் நகரில் நடைபெற்று வந்தது. நேற்று நடைபெற்ற இறுதிப் போட்டியில் இந்தியா, பாகிஸ்தான் அணிகள் மோதின. இதில் பாகிஸ்தான் 191 ரன்கள் வித்தியாசத்தில் இந்திய அணியை வென்று கோப்பையைக் கைப்பற்றியது. முதலில் விளையாடிய பாகிஸ்தான் அணி 50 ஓவர்களில் 8 விக்கெட் இழப்புக்கு 347 ரன்களைக் குவித்தது.
பாகிஸ்தான் அணியின் தொடக்க ஆட்டக்காரர் சமீர் மின் ஹாஸ் 113 பந்துகளில் 172 ரன்களைக் குவித்து அணிக்கு வெற்றி தேடித் தந்தார். இவரது ஸ்கோரில் 17 பவுண்டரிகளும், 9 சிக்ஸர்களும் அடங்கும். பாகிஸ்தானின் ஹம்சா ஜாகூர் 18, உஸ்மான்கான் 35, அகமது ஹுசைன் 56, பர்ஹான் யூசப் 19, முகமது ஷயான் 7, அப்துல் சுபான் 2 ரன்கள் எடுத்தனர்.
இதைத் தொடர்ந்து 348 ரன்கள் எடுத்தால் வெற்றி என்ற இலக்குடன் இந்திய அணி விளையாடத் தொடங்கியது. ஆனால் தொடக்கமே இந்திய அணிக்கு அதிர்ச்சியாக அமைந்தது. கேப்டன் ஆயுஷ் மாத்ரே 2 ரன்களில் அலி ராசா பந்தில் வீழ்ந்தார். அதன் பின்னர் வந்த வீரர்களும் வேகமாக ஆட்டமிழந்து பெவிலியன் திரும்பினர்.
வைபவ் சூர்யவன்ஷி 26, ஆரோன் ஜார்ஜ் 16, விகான் மல் ஹோத்ரா 7, வேதாந்த் திரிவேதி 9, அபிக்யான் குண்டு 13, கனிஷ்க் சவுகான் 9, கிலான் படேல் 19, ஹெனில் படேல் 6, தீபேஷ் தேவேந்திரன் 36, கிஷன் குமார் சிங் 3 ரன்கள் எடுத்தனர்.
262 ஓவர்களில் இந்திய அணி 156 ரன்களுக்கு ஆட்டமிழந்தது. இதையடுத்து 191 ரன்கள் வித்தியாசத்தில் வெற்றி பெற்ற பாகிஸ்தான் அணி கோப்பையைக் கைப்பற்றியது. ஆட்ட நாயகன் விருதையும், தொடர் நாயகன் விருதையும் சமீர் மின்ஹாஸ் கைப்பற்றினார்.
மக்கள் கருத்து
மேலும் தொடரும் செய்திகள்
அபிஷேக், ஸ்ரேயாஸ் அதிரடி பேட்டிங்: இங்கிலாந்து டி20 தொடரின் முதல் போட்டி மழையால் ரத்து!
வியாழன் 2, ஜூலை 2026 11:55:02 AM (IST)
இந்திய ஜூனியர் அணியில் கோவில்பட்டி ஹாக்கி வீரர் தேர்வு : பெல்ஜியம் தொடரில் விளையாட வாய்ப்பு!
வியாழன் 2, ஜூலை 2026 8:50:55 AM (IST)
பெனால்டி ஷூட்-அவுட்: ஜெர்மனியை வீழ்த்தி பராகுவே அதிரடி வெற்றி!
செவ்வாய் 30, ஜூன் 2026 12:18:39 PM (IST)
மகளிர் டி20 உலகக் கோப்பை: ஆஸ்திரேலியாவிடம் இந்தியா தோல்வி - தொடரிலிருந்து வெளியேற்றம்!
திங்கள் 29, ஜூன் 2026 12:41:26 PM (IST)
ஒரு ரன்னில் அயர்லாந்திடம் தோல்வி: தொடரை இழந்தது இந்திய அணி!
திங்கள் 29, ஜூன் 2026 12:33:39 PM (IST)
டி20 உலக சாம்பியன் இந்தியாவை வீழ்த்தி வரலாறு படைத்தது அயர்லாந்து அணி!
சனி 27, ஜூன் 2026 5:27:38 PM (IST)
உலகக் கோப்பை கால்பந்து: அமெரிக்காவை 3-2 என்ற கோல் கணக்கில் வீழ்த்தி துருக்கி த்ரில் வெற்றி!
வெள்ளி 26, ஜூன் 2026 4:06:52 PM (IST)
Sponsored Ads
