வெறும் ₹100-க்கு ஜாம்ஷெட்பூர் கால்பந்து கிளப்பை விற்பனை செய்த டாடா ஸ்டீல்!

» செய்திகள் - விளையாட்டு » விளையாட்டு

வெறும் ₹100-க்கு ஜாம்ஷெட்பூர் கால்பந்து கிளப்பை விற்பனை செய்த டாடா ஸ்டீல்!

வெள்ளி 14, ஆகஸ்ட் 2026 5:24:48 PM (IST)

இந்தியன் சூப்பர் லீக் (ISL) தொடரில் விளையாடி வரும் புகழ்பெற்ற ‘ஜாம்ஷெட்பூர் எஃப்.சி’ (Jamshedpur FC) கால்பந்து கிளப்பின் 100% பங்குகளை, கோவாவைச் சேர்ந்த சர்ச்சில் பிரதர்ஸ் ஸ்போர்ட்ஸ் கிளப் நிறுவனத்திற்கு வெறும் ₹100-க்கு டாடா ஸ்டீல் நிறுவனம் விற்பனை செய்துள்ளது. இதன் மூலம் ISL கிளப் உரிமையாளர் என்ற பொறுப்பில் இருந்து டாடா ஸ்டீல்ஸ் அதிகாரப்பூர்வமாக வெளியேறுகிறது.

ஜெம்ஷெட்பூர் கால்பந்து மற்றும் ஸ்போர்ட்டிங் பிரைவேட் லிமிடெட் (JFSPL) நிறுவனத்திடம் டாடா ஸ்டீல் வைத்திருந்த மொத்த 4.08 கோடி பங்குகளையும் மாற்ற ஒப்புதல் வழங்கப்பட்டுள்ளது. இந்த ஒப்பந்தத்தில் ஜாம்ஷெட்பூர் எஃப்.சி அணியின் ISL விளையாட்டு உரிமம், 12 வீரர்கள் மற்றும் 2 பயிற்சியாளர்களின் ஒப்பந்தங்கள் ஆகியவை அடங்கும்.

செப்டம்பர் 2026 முதல் சர்ச்சில் பிரதர்ஸ் நிறுவனம் இந்த ஒப்பந்தங்களை ஏற்று நடைமுறைப்படுத்தும். பிற வழக்கமான ஒப்புதல்களுடன் இந்த ஒப்பந்தம் வரும் ஆகஸ்ட் 31-க்குள் முழுமையாக நிறைவடையும் என எதிர்பார்க்கப்படுகிறது.

வெறும் ₹100-க்கு விற்பனை செய்யப்பட்டது ஏன்?

கோடிக்கணக்கில் கைமாறும் ஒரு கால்பந்து கிளப்பை டாடா நிறுவனம் குறியீட்டு ரீதியாக (Symbolic Sale) வெறும் ₹100-க்கு மாற்றியதன் பின்னணியில் நிதி நெருக்கடி காரணம் எனத் தெரியவந்துள்ளது: JFSPL நிறுவனம் 2026 நிதியாண்டில் ₹32.23 கோடி வருவாய் ஈட்டியிருந்தாலும், மார்ச் 2026 நிலவரப்படி அதன் நிகர மதிப்பு (Net Worth) மைனஸ் ₹5.8 கோடியாக சரிந்தது.

அணிக்கு நல்ல பெயரும் ISL தொடரில் இடமும் இருந்தாலும், அதை நிர்வாகம் செய்யும் நிறுவனத்திடம் பெரிய அளவில் பணப்புழக்கம் இல்லை. இதனால் இது லாப நோக்கிலான விற்பனையாகப் பார்க்கப்படாமல், உரிமை மாற்றமாகவே செய்யப்பட்டுள்ளது.

இந்தியக் கால்பந்து துறை எதிர்கொள்ளும் சவால்கள்:

தற்போது இந்தியக் கால்பந்து துறை ஒரு கடினமான நிதிச் சவாலை எதிர்கொண்டு வருகிறது. குறிப்பாக ISL லீக்கின் ஊடக ஒளிபரப்பு உரிமை (Media Rights) மதிப்பு பெருமளவில் சரிந்துள்ளது.

முன்னதாக JioStar நிறுவனம் ஆண்டுக்கு ₹275 கோடி செலுத்தி வந்த நிலையில், 2025-26 சீசனுக்கான ஒளிபரப்பு உரிமைக்காக FanCode நிறுவனம் வெறும் ₹8.6 கோடி மட்டுமே வழங்க முன்வந்துள்ளது குறிப்பிடத்தக்கது.

குறிப்பு: டாடா நிறுவனம் 1987-இல் ஜாம்ஷெட்பூரில் கால்பந்து அகாடமியைத் தொடங்கி, இதுவரை 300-க்கும் மேற்பட்ட சிறந்த வீரர்களுக்குப் பயிற்சி அளித்துள்ளது என்பது நினைவுகூறத்தக்கது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

வெறும் ₹100-க்கு ஜாம்ஷெட்பூர் கால்பந்து கிளப்பை விற்பனை செய்த டாடா ஸ்டீல்!

» செய்திகள் - விளையாட்டு » விளையாட்டு