» செய்திகள் - விளையாட்டு » விளையாட்டு
பந்துவீச்சில் அசத்திய இந்தியா: 3வது டி20 போட்டியில் தென் ஆப்பிரிக்காவை வீழ்த்தியது!
திங்கள் 15, டிசம்பர் 2025 10:35:45 AM (IST)
தர்மசாலா மைதானத்தில் நடந்த 3வது டி20 போட்டியில் தென் ஆப்பிரிக்காஅணியை வீழ்த்தி இந்தியா அபார வெற்றி பெற்றுள்ளது.
இந்தியா-தென்னாப்பிரிக்கா மோதும் 3வது டி20 போட்டி நேற்று இமாச்சலப் பிரதேசத்தில் உள்ள தர்மசாலா மைதானத்தில் நடைபெற்றது. டாஸ் வென்ற இந்திய அணி பந்துவீச்சை தேர்வு செய்தது. இதையடுத்து தென்னாப்பிரிக்கா முதலில் பேட்டிங் செய்தது. இந்திய வீரர்களின் சிறப்பான பந்துவீச்சை எதிர்கொள்ள முடியாமல் தென்னாப்பிரிக்கா வீரர்கள் தடுமாற தொடங்கினர்.
தென்னாப்பிரிக்கா வீரர்கள் ஒவ்வொருவராக அவுட்டாகி வெளியேற கேப்டன் மார்க்கரம் மட்டும் தனி ஆளாக போராடினார். அரை சதம் கடந்து 61 ரன்கள் எடுத்து ஆட்டமிழந்தர். இந்திய பௌலர்களான வருண் சக்ரவர்த்தி, ஹர்ஷித் ராணா, அர்ஷ்தீப் சிங், குல்தீப் யாதவ் ஆகியோர் தலா இரண்டு விக்கெட்டுகள் எடுத்தனர்.
20 ஓவர்கள் முடிவில் தென்னாப்பிரிக்கா அணி வெறும் 117 ரன்கள் மட்டுமே எடுத்தது. 118 ரன்கள் எடுத்தால் வெற்றி என்ற எளிதான இலக்கை நோக்கி இந்திய அணி பேட்டிங் செய்தது. ஓப்பனிங் பேட்ஸ்மேன் அபிஷேக் ஷர்மா 35 ரன்கள் எடுத்து ஆட்டமிழந்தார். பின்னர் சுப்மன் கில் 28 ரன்கள் எடுத்து ஆட்டமிழந்தார். இவர்கள் இருவரும் கூட்டணி அமைத்து 60 ரன்கள் சேர்த்தனர்.
அதன்பின்னர் களமிறங்கிய திலக் வர்மா 25 ரன்கள், கேப்டன் சூரியகுமார் யாதவ் 12 ரன்கள், சிவம் தூபே 10 ரன்கள் எடுத்தனர். இறுதியில் இந்திய அணி 15.5 ஓவர் முடிவில் 3 விக்கெட் இழப்பிற்கு 120 ரன்கள் எடுத்து தென்னாப்பிரிக்காவை வீழ்த்தி வெற்றி பெற்றுள்ளனர். இதன் மூலம் இந்தியா அணி 2 போட்டிகளில் வெற்றி பெற்று 2-1 என்ற கணக்கில் முன்னிலை பெற்றுள்ளது.
மக்கள் கருத்து
மேலும் தொடரும் செய்திகள்
மிட்செல் சதம்: 2-வது ஒரு நாள் போட்டியில் நியூசிலாந்து வெற்றி
வியாழன் 15, ஜனவரி 2026 8:57:19 AM (IST)
வாஷிங்டன் சுந்தர் விலகல்: இந்திய அணியில் இணையும் மாற்று வீரர்...!
செவ்வாய் 13, ஜனவரி 2026 11:40:51 AM (IST)
விராட் கோலி புதிய சாதனை: முதலாவது ஒரு நாள் போட்டியில் இந்தியா ‘திரில்’ வெற்றி
திங்கள் 12, ஜனவரி 2026 8:25:58 AM (IST)
எதிர்கால நலனை கருத்தில் கொண்டு வங்காளதேசம் முடிவெடுக்க வேண்டும்: தமிம் இக்பால்
வெள்ளி 9, ஜனவரி 2026 4:39:06 PM (IST)
நியூசிலாந்துக்கு எதிரான ஒருநாள் கிரிக்கெட் போட்டி தொடர்: இந்திய அணி அறிவிப்பு
ஞாயிறு 4, ஜனவரி 2026 12:03:19 PM (IST)
வங்கதேச வீரர் முஸ்தபிசுர் ரஹ்மானை விடுவிக்க கேகேஆர் அணிக்கு பிசிசிஐ அதிரடி உத்தரவு!
சனி 3, ஜனவரி 2026 5:42:48 PM (IST)
ஆஸி. மண்ணில் 14 ஆண்டுகளுக்குப் பிறகு இங்கிலாந்தின் முதல் வெற்றி!
சனி 27, டிசம்பர் 2025 3:51:10 PM (IST)
