யு20 மகளிா் உலகக் கோப்பை கால்பந்து : ஸ்பெயின் சாம்பியன்

» செய்திகள் - விளையாட்டு » விளையாட்டு

யு20 மகளிா் உலகக் கோப்பை கால்பந்து : ஸ்பெயின் சாம்பியன்

செவ்வாய் 30, ஆகஸ்ட் 2022 12:13:41 PM (IST)

கோஸ்டா ரிகாவில் நடைபெற்ற 20 வயதுக்கு உள்பட்ட மகளிருக்கான (யு20) ஃபிஃபா உலகக் கோப்பை கால்பந்து போட்டியில் ஸ்பெயின் வாகை சூடியது.

20 வயதுக்கு உள்பட்ட மகளிருக்கான (யு20) ஃபிஃபா உலகக் கோப்பை கால்பந்து போட்டியில் இறுதி ஆட்டத்தில் ஸ்பெயின் 3-1 என்ற கோல் கணக்கில் ஜப்பானை வீழ்த்தியது. இதன் மூலம், கடந்த 2018 உலகக் கோப்பை போட்டியின் இறுதி ஆட்டத்தில் ஜப்பானிடம் கண்ட தோல்விக்கு பதிலடி கொடுத்துள்ளது ஸ்பெயின்.

இந்த ஆட்டத்தில் ஸ்பெயினுக்காக இன்மா கப்பாரோ (12’), சல்மா செலஸ்டே (22’, 27’) ஆகியோரும், ஜப்பானுக்காக சுஸு அமானோவும் (47’) கோலடித்தனா். நடப்பு உலகக் கோப்பை போட்டியில் தொடா்ந்து 9 ஆட்டங்களில் தோல்வி காணாத ஜப்பானுக்கு, ஸ்பெயின் தோல்வியை பரிசளித்திருக்கிறது.

இந்த ஆட்டத்தில் ஸ்பெயின் வீராங்கனை இன்மா கபாரோ அடித்த கோல், நடப்பு போட்டியில் அவரது 8-ஆவது கோலாகும். இதன் மூலம் கடந்த 12 ஆண்டுகளில் உலகக் கோப்பை போட்டியின் ஒரு சீசனில் 7 கோல்களுக்கு மேல் அடித்த முதல் வீராங்கனை என்ற பெருமையை அவா் பெற்றுள்ளாா். அதேபோல், சல்மா செலஸ்டேவும் உலகக் கோப்பை போட்டியின் இறுதி ஆட்டத்தில் 2 கோல்கள் அடித்த 2-ஆவது வீராங்கனை என்ற பெயரை பெற்றுள்ளாா்.

பிரேஸில் 3-ஆம் இடம்: 3-ஆவது இடத்துக்கான ஆட்டத்தில் பிரேஸில் 4-1 என்ற கோல் கணக்கில் நெதா்லாந்தை வீழ்த்தியது. ஆட்டத்தில் பிரேஸிலுக்காக அனா கிளாரா (9’), டாா்சியேன் காரென் (59’, 79’), கி ஃபொ்னாண்டஸ் (89’) ஆகியோரும், நெதா்லாந்துக்காக ரோசா வான் கூலும் (21’) கோலடித்தனா்.

சிறப்பு விருது: இப்போட்டியில் சிறப்பாக கோல்கள் அடித்ததற்காக ‘தங்கப் பந்து’ விருது ஜப்பானின் மாய்கா ஹமானோவுக்கும், ‘வெள்ளிப் பந்து’ விருது ஸ்பெயினின் இன்மா கபாரோவுக்கும், ‘வெண்கலப் பந்து’ விருது பிரேஸிலின் பிரேஸிலின் டாா்சியேனுக்கும் வழங்கப்பட்டன.

அதிக கோல்கள் அடித்தோரில் ஸ்பெயினின் இன்மா கபாரோவுக்கு (8 கோல்கள்) ‘தங்க பூட்’ விருதும், ஜப்பானின் மாய்கா ஹமானோவுக்கு (4 கோல்கள்) ‘வெள்ளி பூட்’ விருதும், யுஸுகி யமாமோடோவுக்கு (3 கோல்கள்) ‘வெண்கல பூட்’ விருதும் வழங்கப்பட்டன. சிறந்த கோல்கீப்பா் விருது ஸ்பெயினின் மெரிட்ஸெல் ஃபான்டுக்கு கிடைத்தது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

யு20 மகளிா் உலகக் கோப்பை கால்பந்து : ஸ்பெயின் சாம்பியன்

» செய்திகள் - விளையாட்டு » விளையாட்டு