தமிழக அமைச்சரவை விரிவாக்கம்: முதல்வர் விஜயுடன் தனிச்செயலாளர் ஆலோசனை!

» செய்திகள் - விளையாட்டு » தமிழகம்

தமிழக அமைச்சரவை விரிவாக்கம்: முதல்வர் விஜயுடன் தனிச்செயலாளர் ஆலோசனை!

சனி 16, மே 2026 4:46:08 PM (IST)

தமிழகத்தில் அமைச்சரவை விரிவாக்கம் மற்றும் அமைச்சர்களுக்கான இலாகாக்கள் ஒதுக்கீடு தொடர்பாகத் முதல்வர் விஜய் உடன் தனிச்செயலாளர் செந்தில்குமார் ஆலோசனை நடத்தினார்.

தமிழகத்தில் புதிய அரசு பொறுப்பேற்று 7 நாட்கள் நிறைவடைந்துள்ள நிலையில், அமைச்சரவையை விரிவுபடுத்துவது மற்றும் புதிய அமைச்சர்களுக்கான இலாகாக்கள் ஒதுக்கீடு செய்வது தொடர்பாகத் தனிச்செயலாளர் செந்தில்குமார், முதலமைச்சர் விஜய் உடன் அவசர ஆலோசனையில் ஈடுபட்டுள்ளார்.

தமிழகப் பொறுப்பு ஆளுநர் ராஜேந்திர விஸ்வநாத் அர்லேக்கரை முதலமைச்சரின் தனிச்செயலாளர் செந்தில்குமார் இன்று நேரில் சந்தித்துப் பேசினார். புதிய அரசு பதவியேற்ற பிறகு ஆளுநருடன் நடைபெற்ற இந்தச் சந்திப்பு, அரசியல் வட்டாரத்தில் பெரும் சுறுசுறுப்பை ஏற்படுத்தியது.

ஆளுநரைச் சந்தித்துத் திரும்பிய தனிச்செயலாளர் செந்தில்குமார், உடனடியாக சென்னை நீலாங்கரையில் உள்ள முதலமைச்சர் விஜய் அவர்களின் இல்லத்திற்கு நேரடியாகச் சென்றார். அங்கு முதலமைச்சரை நேரில் சந்தித்து ஆளுநருடனான சந்திப்பு குறித்த விபரங்களைப் பகிர்ந்துகொண்டார்.

அதனைத் தொடர்ந்து, தமிழக அமைச்சரவையை விரிவுபடுத்துவது குறித்தும், புதிய அமைச்சர்களாகப் பதவியேற்க உள்ளவர்களின் பட்டியல் மற்றும் அவர்களுக்கு ஒதுக்கப்பட வேண்டிய துறைகள் (Portfolio) குறித்தும் முதலமைச்சர் விஜய், தனது தனிச்செயலாளருடன் விரிவான ஆலோசனைகளை மேற்கொண்டார்.

தமிழகத்தில் புதிய அரசு அமைந்து ஒரு வாரம் ஆகியுள்ள நிலையில், நிர்வாகப் பணிகளை மேலும் தொய்வின்றி வேகப்படுத்த அமைச்சரவை விரிவாக்கம் மிக அவசிய ஒன்றாகக் கருதப்படுகிறது. ஆளுநரின் ஒப்புதலுக்குப் பிறகு புதிய அமைச்சர்களின் அதிகாரப்பூர்வப் பட்டியல் மற்றும் அவர்கள் பதவியேற்கும் நாள் குறித்த அறிவிப்பு இன்னும் ஓரிரு நாட்களில் வெளியாகும் எனத் தலைமைச் செயலக வட்டாரங்கள் தெரிவிக்கின்றன.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

தமிழக அமைச்சரவை விரிவாக்கம்: முதல்வர் விஜயுடன் தனிச்செயலாளர் ஆலோசனை!

» செய்திகள் - விளையாட்டு » தமிழகம்