பாறையில் தலை சிக்கி இளைஞர் உயிரிழப்பு: திற்பரப்பு படகு பகுதியில் சோகம்!

குமரி மாவட்டம், அருமனை அருகே திற்பரப்பு படகு சவாரி பகுதியில் பாறையில் தலை சிக்கி இளைஞர் ஒருவர் பரிதாபமாக உயிரிழந்தார்.

திருநெல்வேலி மாவட்டம் அம்பாசமுத்திரம் பகுதியைச் சேர்ந்த விஸ்வநாதன் (23), நண்பர்களுடன் திற்பரப்பு பகுதியில் குளித்து கொண்டிருந்த போது, எதிர்பாராத விதமாக நீரில் உள்ள பாறையில் அவரது தலை சிக்கியதாக கூறப்படுகிறது. இதில் அவர் சம்பவ இடத்திலேயே உயிரிழந்தார்.

தகவல் அறிந்த போலீசார் மற்றும் மீட்பு குழுவினர் சம்பவ இடத்திற்கு விரைந்து வந்து, உயிரிழந்த விஸ்வநாதனின் உடலை மீட்டு, உடல்கூறாய்வுக்காக அரசு மருத்துவமனைக்கு அனுப்பி வைத்தனர். இந்த சம்பவம் அப்பகுதியில் பெரும் சோகத்தை ஏற்படுத்தியுள்ளது. தொடர்ந்து போலீசார் இது தொடர்பாக விசாரணை மேற்கொண்டு வருகின்றனர்.