அமெரிக்காவில் காணாமல் போன ஒரே குடும்பத்தைச் சேர்ந்த 4 இந்தியர்கள் சடலமாக மீட்பு

அமெரிக்​கா​வில் கோயிலுக்கு செல்லும் வழியில் காணா​மல் போன ஒரே குடும்​பத்​தைச் சேர்ந்த 4 இந்​தி​யர்​கள் சடல​மாக மீட்​கப்​பட்​டனர். அவர்​கள் கார் விபத்​தில் சிக்கி உயி​ரிழந்​தது தெரிய​வந்​துள்​ளது. 

அமெரிக்​கா​வில் நியூயார்க்கில் வசிக்கும் இந்​தி​யர்​களான கிஷோர் திவன் (89), ஆஷா திவன் (85), ஷைலேஷ் திவன் (86) மற்றும் கீதா திவன் (84) ஆகிய 4 பேரும் கடந்த வாரம் மேற்கு வர்​ஜினி​யா​வின் மார்​ஷல் மாவட்​டத்​தில் உள்ள பிரபுப​டாஸ் பேலஸ் ஆப் கோல்டு என்ற புகழ் பெற்ற கோயிலுக்கு காரில் பயணம் செய்​துள்​ளனர். 

இந்​நிலை​யில் ஜூலை 31-ம் தேதி முதல் அவர்​களை தொடர்​பு​கொள்ள முடிய​வில்லை என குடும்​பத்​தினர் காவல் துறை​யில் புகார் செய்​துள்​ளனர். ஓஹியோ மாவட்ட போலீ​சார் விசா​ரணை நடத்​தியதில், பிக் வீலிங் கிரீக் சாலை​யில் அவர்​கள் சென்ற கார் விபத்​தில் சிக்கி இருந்​தது ஆகஸ்ட் 2-ம் தேதி தெரிய​வந்​தது. அங்​கிருந்து அந்த 4 பேரின் உடல்​களும் மீட்​கப்​பட்​டன. இந்த தகவலை மார்​ஷல் மாவட்ட அதி​காரி மைக் டவு​கெர்டி தெரி​வித்​துள்​ளார். இதுகுறித்து போலீ​சார் விசாரணை நடத்தி வருகின்றனர்.