» செய்திகள் - விளையாட்டு » உலகம்
தென் கொரியாவில் பதவி விலகிய அதிபர் யூன் சுக் இயோல் கைது!
புதன் 15, ஜனவரி 2025 9:13:46 PM (IST)
தென் கொரியா நாட்டில் அதிபா் பதவியிலிருந்து தற்காலிகமாக விலகியுள்ள யூன் சுக் இயோல் கைது செய்யப்பட்டுள்ளார்.
தென் கொரிய அதிபா் பதவியிலிருந்து தற்காலிகமாக விலகியுள்ள யூன் சுக் இயோலை நிரந்தரமாகப் பதவி நீக்கம் செய்ய வலியுறுத்தி நூற்றுக் கணக்கானோா் ஆா்ப்பாட்டத்தில் ஈடுபட்டு வந்த நிலையில், மிகுந்த பரபரப்புக்கிடையே அவர் இன்று(ஜன. 15) கைது செய்யப்பட்டுள்ளார். தென் கொரிய வரலாற்றில் அதிபர் பதவி வகித்து வருபவர் கைது செய்யப்படுவது இதுவே முதல்முறையாகும்.
முன்னதாக, தென் கொரிய நாடாளுமன்றத்தை முடக்க எதிா்க்கட்சியினா் முயற்சிப்பதாகவும், வட கொரியாவுக்கு ஆதரவாக அவா்கள் செயல்படுவதாகவும் தெரிவித்து, கடந்த மாதம் தென் கொரியாவில் அவசரநிலை ராணுவச் சட்டத்தை அமல்படுத்துவதாகக் கடந்தாண்டு டிசம்பரில் இயோல்(64) அறிவித்தாா். இதற்கு நாடு முழுவதும் கடும் எதிா்ப்பு எழுந்ததையடுத்து, அந்த அறிவிப்பை அவா் திரும்பப் பெற்றாா்.
எனினும் இந்த விவகாரம் தொடா்பாக அவரை பதவிநீக்கம் செய்து எதிா்க்கட்சியினா் நாடாளுமன்றத்தில் தீா்மானம் நிறைவேற்றினா். இதையடுத்து, அவா் தற்காலிகமாக பதவி விலகினாா். எனினும், தற்போது வரை அவரே அதிபராக நீடிக்கிறார்.
இந்த நிலையில் அவரை நிரந்தரமாகப் பதவிநீக்கம் செய்வது தொடா்பாக அரசியல் சாசன நீதிமன்றம் இறுதி முடிவு எடுக்க வேண்டிய சூழல் நிலவுகிறது. அதேவேளையில், அவசரநிலை அறிவிப்பு தொடா்பாக இயோலுக்கு எதிராக நீதிமன்றம் கைது உத்தரவு பிறப்பித்தது.
இதனையடுத்து, அவரை காவல் துறையினா் கைது செய்ய கடந்த சில நாள்களாக முயற்சித்து வந்த நிலையில், அவா்களை இயோலின் பாதுகாவல் படையினா் தடுத்து நிறுத்தினா். இதையடுத்து, தங்களின் முயற்சியைக் கைவிட்டு காவல் துறையினா் திரும்பிச் சென்றனா்.
இந்த நிலையில், அவர் இன்று(ஜன. 15) கைது செய்யப்பட்டுள்ளதாக அந்நாட்டின் ஊழல் விசாரணை அலுவலக(சிஐஓ) அதிகாரிகள் தெரிவித்துள்ளனர். தன் மீதான குற்றச்சாட்டுகள் குறித்த விசாரணைக்கு முழுமையாக ஒத்துழைக்கப் போவதாக இயோல் தெரிவித்துள்ளார்.
மக்கள் கருத்து
மேலும் தொடரும் செய்திகள்

பஹல்காம் தாக்குதலில் லஷ்கர்-இ-தொய்பாவுக்கு தொடர்பு இல்லை: பாகிஸ்தான் சொல்கிறது!!
சனி 19, ஜூலை 2025 5:39:07 PM (IST)

இந்திய விமானங்கள் பாகிஸ்தான் வான்வெளியை பயன்படுத்த ஆகஸ்ட் 24 வரை தடை நீட்டிப்பு
சனி 19, ஜூலை 2025 12:18:52 PM (IST)

பிரிட்டனில் வாக்களிக்கும் வயது 16ஆக குறைப்பு
வெள்ளி 18, ஜூலை 2025 12:49:38 PM (IST)

இந்தியாவுடனான வர்த்தக ஒப்பந்தம் ஏற்படுவதில் நெருங்கிவிட்டோம் : அமெரிக்க அதிபர் டிரம்ப்
வியாழன் 17, ஜூலை 2025 5:26:05 PM (IST)

ஒரு கணம் கூட விவாகரத்துப் பற்றி சிந்தித்ததே கிடையாது: மிச்சல் ஒபாமா விளக்கம்!
வியாழன் 17, ஜூலை 2025 3:28:56 PM (IST)

நிமிஷாவை செய்த குற்றத்துக்கு மன்னிப்பு கிடையாது: கொல்லப்பட்டவரின் சகோதரர் திட்டவட்டம்!
வியாழன் 17, ஜூலை 2025 11:46:44 AM (IST)
