» செய்திகள் - விளையாட்டு » உலகம்
அமெரிக்க அதிபர் ஜோ பைடன் நலமாக இருக்கிறார்: வெள்ளை மாளிகை
சனி 3, ஜூன் 2023 8:08:29 AM (IST)
அமெரிக்கா விமானப்படை அகாடமி பட்டமளிப்பு விழாவில் அதிபர் ஜோ பைடன் திடீரென தடுமாறி கீழே விழுந்தார். அதனால் அங்கிருந்தவர்கள் அதிர்ச்சியடைந்தனர்.
அமெரிக்காவின் கொலராடோ விமானப்படை அகாடமியின் பட்டமளிப்பு விழாவில் சான்றுகளை வழங்கும் நிகழ்ச்சியில் அதிபர் ஜோ பைடன் கலந்து கொண்டார். அப்போது, விழா மேடையில் இருந்து அதிபர் ஜோ பைடன் ஓட முயன்றார். அந்த நேரத்தில் அவர் தடுமாறி கீழே விழுந்தார். இதனை எதிர்பார்க்காத பாதுகாப்பு வீரர்கள், அதிபரை தூக்கினர். இந்த வீடியோ சமூக தலைதளங்களில் வைரலானது.
இதனிடையே, அதிபர் மாளிகை வெளியிட்ட தகவலில், அதிபர் ஜோ பைடன் நலமாக இருக்கிறார் என்றும் அவருக்கு எந்த பாதிப்பு ஏதும் இல்லை என்றும் தெரிவிக்கப்பட்டுள்ளது.