» செய்திகள் - விளையாட்டு » இந்தியா
கேரளா, தமிழகத்தின் தென் கடலோர பகுதிகளுக்கு கள்ளக்கடல் எச்சரிக்கை
செவ்வாய் 30, ஏப்ரல் 2024 4:54:22 PM (IST)
கேரளா மற்றும் தமிழகத்தின் தென்கடலோர பகுதிகளுக்கு, 'கள்ளக்கடல்' எச்சரிக்கை விடுக்கப்பட்டது.
எவ்விதமான அறிகுறிகளும் இன்றி திடீரென கடல் சீற்றம் அடைவது, 'கள்ளக்கடல்' நிகழ்வு என்று அழைக்கப்படுகிறது. திருடனை போல சற்றும் எதிர்பாராத தருணத்தில் வருவதால், கேரள மக்கள் இதை, கள்ளக்கடல் என அழைக்கின்றனர்.கடல் தகவல் சேவைகளுக்கான இந்திய தேசிய மையம், கேரளா மற்றும் தமிழகத்தின் தென் கடலோர பகுதிகளுக்கு நேற்று இரவு 11:30 மணி வரையிலுமான எச்சரிக்கை விடுக்கப்பட்டது.
கேரளா மற்றும் தென்கடலோர பகுதிகள் இரவு 11:30 மணி வரை கடும் சீற்றத்துடன் காணப்படும். எனவே, மீனவர்கள் மீன் பிடிக்க செல்ல வேண்டாம். கடலோரம் வசிக்கும் மக்கள், பாதுகாப்பான இடங்களுக்கு செல்லும்படி அறிவுறுத்தப்படுகின்றனர். படகுகள் சேதமடைவதை தவிர்க்க, கடலோரங்களில் போதிய இடைவெளியுடன் படகுகளை நிறுத்த வேண்டும் என கேட்டுக் கொள்ளப்படுகிறது. இவ்வாறு அதில் குறிப்பிடப்பட்டுள்ளது.