» சினிமா » செய்திகள்
சின்னத்திரை நடிகையின் கணவர் மரணம்: திருமணமான ஒரே ஆண்டில் சோகம்!
வெள்ளி 4, ஆகஸ்ட் 2023 12:34:43 PM (IST)
'நாதஸ்வரம்’ சீரியல் மூலம் பிரபலமான நடிகை ஸ்ருதி சண்முகப்பிரியாவின் கணவர் நேற்று மாரடைப்பால் இறந்தார்.
திருமணம் ஆகி ஒரு வருடமே ஆன நிலையில் திடீரென அவரது மரணம் பலருக்கும் அதிர்ச்சியை ஏற்படுத்தியது. இந்நிலையில், தனது சமூக வலைதளப்பக்கத்தில் கணவருடன் இருக்கும் புகைப்படத்தைப் பகிர்ந்து ஸ்ருதி தெரிவித்திருப்பதாவது, ‘உடல் மட்டும் தான் பிரிந்துள்ளது. உன்னுடைய ஆன்மாவும் எண்ணமும் எப்போதும் எங்களுடனேயே இருந்து எங்களை எப்போதும் பாதுகாக்கும்.
உன் ஆத்மா சாந்தியடையட்டும். என் காதலே! முன்பை விட இப்போதுதான் உன் மீது காதல் அதிகமாகி இருக்கிறது. உன்னுடன் இருந்த நினைவுகளை என் வாழ்நாள் முழுவதும் கொண்டாடுவேன். மிஸ் யூ & லவ் யூ அரவிந்த்! நீங்கள் அனைவரும் சொல்லும் ஆறுதல் எங்களுக்கு மேலும் பலத்தைக் கொடுத்து இருக்கிறது. அனைவருக்கும் நன்றி!’ என அந்தப் பதிவில் தெரிவித்து இருக்கிறார்.