பாகிஸ்தானை வீழ்த்தி 34 வருடங்களுக்கு பிறகு தொடரை வென்று மே.இ.தீவுகள் அணி சாதனை!

பாகிஸ்தான் அணிக்கு எதிரான கடைசி மற்றும் 3-வது ஒருநாள் கிரிக்கெட் போட்டியில் 202 ரன்கள் வித்தியாசத்தில் வெற்றி பெற்ற மேற்கு இந்தியத் தீவுகள் அணி தொடரை 2-1 என கைப்பற்றி சாதனை படைத்தது.

டிரினிடாட்டில் நேற்று முன்தினம் இரவு நடைபெற்ற 3-வது ஒருநாள் போட்டியில் முதலில் பேட் செய்த மேற்கு இந்தியத் தீவுகள் அணி 50 ஓவர்களில் 6 விக்கெட்கள் இழப்புக்கு 294 ரன்கள் குவித்தது. தனது 19-வது சதத்தை அடித்த கேப்டன் ஷாய் ஹோப் 94 பந்துகளில், 5 சிக்ஸர்கள், 10 பவுண்டரிகளுடன் 120 ரன்கள் விளாசினார்.

இறுதிக்கட்டத்தில் அவருக்கு உறு​துணை​யாக விளை​யாடிய ஜஸ்​டின் கிரீவ்ஸ் 24 பந்​துகளில், 2 சிக்​ஸர்​கள், 4 பவுண்​டரி​களு​டன் 43 ரன்​கள் சேர்த்​தார். இந்த ஜோடி 7-வது விக்​கெட்​டுக்கு கடைசி 8 ஓவர்​களில் 110 ரன்​கள் விளாசி​யது. எவின் லீவிஸ் 37, ராஸ்​டன் சேஸ் 36 ரன்​கள் சேர்த்​தனர். பாகிஸ்​தான் அணி தரப்​பில் நசீம் ஷா, அப்​ரார் அகமது ஆகியோர் தலா 2 விக்​கெட்​கள் வீழ்த்​தினர்.

295 ரன்​கள் இலக்​குடன் பேட் செய்த பாகிஸ்​தான் அணி 29.3 ஓவர்​களில் 92 ரன்​களுக்கு ஆட்​ட​மிழந்​தது. அதி​கபட்​ச​மாக சல்​மான் ஆகா 30, முகமது நவாஸ் 23, ஹசன் நவாஸ் 13, பாபர் அஸம் 9, நசீம் ஷா 6 ரன்​கள் சேர்த்​தனர். சைம் அயூப், அப்​துல்லா ஷபிக், கேப்​டன் முகமது ரிஸ்​வான் ஹசன் அலி, அப்​ரார் அகமது ஆகியோர் ரன் ஏதும் எடுக்​காமல் நடையை கட்​டினர். மேற்கு இந்​தி​யத் தீவு​கள் அணி தரப்​பில் ஜெய்​டன் சீல்ஸ் 7.2 ஓவர்​களை வீசி 18 ரன்​களை மட்​டும் வழங்கி 6 விக்​கெட்​களை வீழ்த்​தி​னார்.

202 ரன்​கள் வித்​தி​யாசத்​தில் வெற்றி பெற்ற மேற்கு இந்​தி​யத் தீவு​கள் அணி 3 ஆட்​டங்​கள் கொண்ட ஒரு​நாள் கிரிக்​கெட் போட்​டித் தொடரை 2-1 என கைப்​பற்றி கோப்​பையை வென்​றது. முதல் போட்​டி​யில் பாகிஸ்​தான் 5 விக்​கெட்​கள் வித்​தி​யாசத்​தில் வெற்றி பெற்​றிருந்​தது. 2-வது போட்​டி​யில் மேற்கு இந்​தி​யத் தீவு​கள் 5 விக்​கெட்​கள் வித்​தி​யாசத்​தில் வெற்றி பெற்று பதிலடி கொடுத்​திருந்​தது.

பாகிஸ்​தானுக்கு எதி​ராக இருதரப்பு ஒரு​நாள் போட்டி தொடரை 34 வருடங்​களுக்கு பிறகு தற்​போது​தான் வென்​றுள்​ளது மேற்கு இந்​தி​யத் தீவு​கள் அணி. கடைசி​யாக அந்த அணி பாகிஸ்​தானுக்கு எதி​ரான ஒரு​நாள் கிரிக்​கெட் போட்​டித் தொடரை 1991-ம்​ ஆண்​டு வென்​றிருந்​தது.