பிரபல டென்னிஸ் வீரர் ரபேல் நடால் ஓய்வு!

» செய்திகள் - விளையாட்டு » விளையாட்டு

பிரபல டென்னிஸ் வீரர் ரபேல் நடால் ஓய்வு!

புதன் 20, நவம்பர் 2024 11:05:42 AM (IST)

டேவிஸ் கோப்பை தொடரில் தோல்வியை தழுவிய ரபேல் நடால் டென்னிஸ் போட்டிகளில் இருந்து விடைபெற்றார்.

டென்னிஸ் ஜாம்பவான் ரபேல் நடால் அனைத்து வகையான போட்டிகளில் இருந்தும் ஓய்வு பெறுவதாக கடந்த மாதம் அறிவித்திருந்தார். டேவிஸ் கோப்பை தொடருடன் டென்னிஸ் போட்டிகளில் இருந்து ஓய்வு பெறுவதாக அவர் ஏற்கனவே அறிவித்திருந்தார்.

இந்நிலையில், டேவிஸ் கோப்பை தொடரில் நேற்று நடைபெற்ற நெதர்லாந்துக்கு எதிரான காலிறுதி ஆட்டத்தில் ஸ்பெயின் தோல்வி கண்டது. இதில் ஒற்றையர் பிரிவில் தனது கடைசி ஆட்டத்தில் ஆடிய ரபேல் நடாலும் தோல்வியை தழுவினார். 2-1 என்ற கணக்கில் ஸ்பெயினை வீழ்த்தி நெதர்லாந்து அரையிறுதிக்கு முன்னேறியது.

இதையடுத்து ரபேல் நடால் டென்னிஸ் போட்டிகளில் இருந்து விடைபெற்றார். என் வாழ்வின் முதல் போட்டியிலும் தோல்வி கண்டேன். தற்போது கடைசி போட்டியிலும் தோல்வி கண்டுள்ளேன். என் விளையாட்டு வாழ்வின் வட்டம் பூரணமடைந்திருக்கிறது என நடால் கூறினார்.

கடந்த 20 ஆண்டுகள் சர்வதேச டென்னிசில் தனக்கென தனி இடத்தை பிடித்துள்ள ரபேல் நடால் 14 முறை பிரஞ்சு ஓபன் கிராண்ட்ஸ்லாம் டென்னிஸ் பட்டத்தை வென்று வரலாறு படைத்துள்ளார்.

மேலும், 63 டென்னிஸ் தொடர்களில் சாம்பியன் உள்ளிட்ட பல்வேறு சாதனைகளை நடால் படைத்துள்ளார். 38 வயதான ரபேல் நடால் 14 முறை பிரஞ்சு ஓபன் கிராண்ட்ஸ்லாம் வெற்றியையும் சேர்த்து மொத்தம் 22 கிராண்ட்ஸ்லாம் பட்டங்களை வென்று சாதனை படைத்துள்ளார் என்பது குறிப்பிடத்தக்கது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

பிரபல டென்னிஸ் வீரர் ரபேல் நடால் ஓய்வு!

» செய்திகள் - விளையாட்டு » விளையாட்டு