» செய்திகள் - விளையாட்டு » விளையாட்டு
டெஸ்ட் கிரிக்கெட் 500 விக்கெட்டுகள் : அஸ்வின் புதிய சாதனை!
வெள்ளி 16, பிப்ரவரி 2024 3:43:44 PM (IST)
டெஸ்ட் கிரிக்கெட்டில் 500 விக்கெட்டுகள் வீழ்த்தியவர்கள் பட்டியலில் இந்தியாவின் ரவிச்சந்திரன் அஸ்வின் இணைந்துள்ளார்.
இங்கிலாந்து கிரிக்கெட் அணி இந்தியாவில் சுற்றுப்பயணம் மேற்கொண்டு 5 போட்டிகள் கொண்ட டெஸ்ட் தொடரில் விளையாடி வருகிறது. இதில் நடைபெற்ற முதல் 2 போட்டிகளின் முடிவில் இரு அணிகளும் தலா 1 வெற்றி பெற்றுள்ளன.
இதனையடுத்து இவ்விரு அணிகளுக்கு இடையேயான 3-வது டெஸ்ட் போட்டி ராஜ்கோட்டில் நேற்று தொடங்கியது. இதில் டாஸ் வென்ற இந்தியா முதலில் பேட்டிங்கை தேர்வு செய்தது. அதன்படி முதலில் பேட்டிங் செய்த இந்திய அணி முதல் இன்னிங்சில் 445 ரன்கள் குவித்து ஆல் அவுட் ஆனது. இந்திய அணியில் அதிகபட்சமாக ரோகித் சர்மா 131 ரன்களும் , ஜடேஜா 112 ரன்களும் குவித்தனர்.
இதனையடுத்து இங்கிலாந்து அணி தனது முதல் இன்னிங்சை தொடங்கியது. அந்த அணியின் தொடக்க ஆட்டக்காரர்களாக ஜாக் கிராலி மற்றும் பென் டக்கெட் ஆகியோர் களமிறங்கினர். இதில் ஜாக் கிராலியின் விக்கெட்டை அஸ்வின் வீழ்த்தினார். இது டெஸ்ட் போட்டிகளில் அவரது 500-வது விக்கெட்டாக பதிவானது. இதன் மூலம் அவர் டெஸ்ட் கிரிக்கெட்டில் 500 விக்கெட்டுகள் வீழ்த்தியவர்கள் பட்டியலில் இணைந்துள்ளார்.
இதுவரை 98 டெஸ்ட் போட்டிகளில் விளையாடி உள்ள அஸ்வின் மொத்தம் 500 விக்கெட்டுகள் வீழ்த்தி உள்ளார். மேலும் இந்தியா தரப்பில் 500 விக்கெட்டுகள் வீழ்த்திய 2-வது பவுலர் என்ற வரலாறு படைத்துள்ளார்.
டெஸ்ட் கிரிக்கெட்டில் அதிக விக்கெட் வீழ்த்தியவர்கள் பட்டியல் வருமாறு;
முத்தையா முரளிதரன் - 800 விக்கெட்டுகள்
சேன் வார்னே - 708 விக்கெட்டுகள்
ஜேம்ஸ் ஆண்டர்சன் - 690 விக்கெட்டுகள்
அனில் கும்ப்ளே - 619 விக்கெட்டுகள்
ஸ்டூவர் பிராட்- 604 விக்கெட்டுகள்
க்ளென் மெக்ராத் - 563 விக்கெட்டுகள்
கோர்ட்னி வால்ஷ் - 519 விக்கெட்டுகள்
நாதன் லயன் - 517 விக்கெட்டுகள்
அஸ்வின் - 500 விக்கெட்டுகள்
மக்கள் கருத்து
மேலும் தொடரும் செய்திகள்
நடராஜன் மிகச்சிறந்த யார்க்கர் பவுலர் : பேட் கம்மின்ஸ் பாராட்டு!
வெள்ளி 3, மே 2024 12:14:52 PM (IST)
ருதுராஜ் அரை சதம் வீண்: சிஎஸ்கேவை வீழ்த்திய பஞ்சாப் ஸ்பின்னர்கள்!!
வியாழன் 2, மே 2024 10:14:10 AM (IST)
அணித் தேர்வில் தமிழக வீரர்கள் மீது பிசிசிஐ பாரபட்சம்: பத்ரிநாத் ஆதங்கம்!
புதன் 1, மே 2024 10:02:32 AM (IST)
டி-20 உலகக் கோப்பை இந்திய அணி அறிவிப்பு: ஷிவம் துபே, சஞ்சு சாம்சனுக்கு வாய்ப்பு!!
செவ்வாய் 30, ஏப்ரல் 2024 4:59:51 PM (IST)
வருண் சக்ரவர்த்தி அபாரம் : டெல்லி அணியை விழ்த்திய கோல்கட்டா!
செவ்வாய் 30, ஏப்ரல் 2024 12:48:07 PM (IST)
ஐபிஎல் தொடரில் 150 வெற்றிகள்: எம்.எஸ். தோனியின் புதிய சாதனை!
திங்கள் 29, ஏப்ரல் 2024 5:08:43 PM (IST)
ருதுராஜ், தேஷ்பாண்டே அபாரம்: ஐதராபாத் அணியை வென்றது சென்னை சூப்பர் கிங்ஸ்!
திங்கள் 29, ஏப்ரல் 2024 10:52:31 AM (IST)
