» செய்திகள் - விளையாட்டு » விளையாட்டு
தோனி சாதனையை முறியடித்தார் பென் ஸ்டோக்ஸ்!
திங்கள் 10, ஜூலை 2023 5:10:55 PM (IST)
டெஸ்ட் கிரிக்கெட்டில் 5 முறை 250 ரன்களுக்கு அதிகமாக ரன்களை சேஸிங் செய்து தோனியின் சாதனையை ஸ்டோக்ஸ் முறியடித்துள்ளார்.
32 வயதான பென் ஸ்டோக்ஸ் இங்கிலாந்து அணியின் டெஸ்ட் கேப்டனாக 2022ஆம் ஆண்டு ஏப்ரல் மாதத்தில் பொறுப்பேற்றார். 95 டெஸ்ட் போட்டிகள் விளையாடியுள்ள ஸ்டோக்ஸ் 6021 ரன்கள் எடுத்துள்ளார். இதில் 13 சதங்கள், 29 அரைசதங்கள் அடங்கும். ஸ்டோக்ஸ் கேப்டனாக பொறுப்பேற்று 17 போட்டிகளில் 12 போட்டிகளில் வென்றுள்ளது. ஆஷஸ் 3வது போட்டியில் ஆஸி. அணியை வீழ்த்தி தொடரில் 1-2 என மீண்டெழுந்துள்ளது.
இந்திய அணியின் முன்னாள் கேப்டன் எம்.எஸ்.தோனி 90 டெஸ்ட் போட்டிகளில் விளையாடியுள்ளார். இரண்டாவது இன்னிங்ஸில் 250 ரன்களுக்கு அதிகமாக ரன்களை சேஸிங் செய்து வெற்றி பெற்றதில் தோனி தலைமையிலான அணி 4 முறை இதை வெற்றிகரமாக செய்துள்ளது.
ஆஷஸ் போட்டியின் 3வது டெஸ்டினை வென்றதன் மூலம் ஸ்டோக்ஸ் தலைமையிலான அணி 5 முறை 250 ரன்களுக்கு அதிகமாக ரன்களை சேஸிங் செய்து வெற்றி பெற்றுள்ளது. இதன் மூலம் நட்சத்திர கேப்டன் தோனியின் சாதனையை ஸ்டோக்ஸ் முறியடித்துள்ளார். 4வது ஆஷஸ் போட்டி ஜூலை 19ஆம் நாள் தொடங்க உள்ளது.