ஜாஸ் பட்லர் அதிரடி சதம்: இலங்கையை வீழ்த்தியது இங்கிலாந்து அணி!

டி20 உலகக் கோப்பையில் இங்கிலாந்து அணி 26 ரன்கள் வித்தியாசத்தில் இலங்கையை வென்றது.

டி20 உலகக்கோப்பையில் இன்று நடைபெற்ற ஆட்டத்தில் இங்கிலாந்து, இலங்கை அணிகள் மோதின. இப்போட்டியில் டாஸ் வென்ற இலங்கை அணி முதலில் பந்துவீச்சை தேர்வு செய்தது. இங்கிலாந்து அணி முதலில் தடுமாடினாலும், ஜாஸ் பட்லரின் அதிரடி சதம் மற்றும் கேப்டன் மோர்கனின் பொறுப்பான ஆட்டத்தால் அந்த அணி 163 ரன்களை எடுத்தது. பின்னர் 164 ரன்கள் எடுத்தால் வெற்றி என்ற இலக்குடன் களமிறங்கிய இலங்கை அணிக்கு ஆரம்பமே அதிர்ச்சி காத்திருந்தது. 

அந்த அணியின் தொடக்க ஆட்டக்காரர்களான நிஷாங்கா(1), குசல் பெரெரா(7) அடுத்தடுத்து வெளியேறினர். அடுத்து வந்த பேட்ஸ்மேன்கள் ஓரளவு விளையாடினாலும் அவர்களால் வெற்றி இலக்கை அடைய முடியவில்லை. இறுதியில் இலங்கை அணி 19 ஓவர்களில் 137 ரன்களுக்கு அனைத்து விக்கெட்டுகளையும் இழந்தது. இதன் மூலம் இங்கிலாந்து அணி 26 ரன்கள் வித்தியாசத்தில் வெற்றி பெற்றது.