நியூசியிடம் படுதோல்வி: டி-20 உலக கோப்பையில் இருந்து வெளியேறுகிறது இந்திய அணி!

துபாயில் நேற்று நடந்த டி20 உலகக் கோப்பைப் போட்டியின் சூப்பர்-12 சுற்றின் குரூப்-2 பிரிவு ஆட்டத்தில் இந்தியா, நியூசிலாந்து அணிகள் விளையாடின. டாஸ் வென்ற நியூசிலாந்து முதலில் இந்திய அணியை பேட்டிங் செய்ய அழைத்தது. முதல் பேட்டிங் செய்த இந்திய அணி நிர்ணயிக்கப்பட்ட 20 ஓவர்களில் 7 விக்கெட்டுகள் இழப்புக்கு 110 ரன்கள் மட்டுமே எடுத்தது. 111 ரன்கள் எடுத்தால் வெற்றி என்ற இலக்குடன் தொடக்க ஆட்டக்காரர்களாக மார்டின் கப்தில் மற்றும் டேரில் மிட்செல் களமிறங்கினர். 

முதலிரண்டு ஓவர்களில் வருண் சக்ரவர்த்தி மற்றும் ஜாஸ்பிரித் பும்ரா மூலம் ரன் குவிக்க அனுமதிக்காமல் இந்திய அணி நெருக்கடியளித்தாலும், வருண் வீசிய 3-வது ஓவரில் கப்தில் அடுத்தடுத்து 2 பவுண்டரிகள் அடித்து நெருக்கடியை சற்று தணித்தார். இதையடுத்து ஆட்டத்தைக் கட்டுக்குள் கொண்டுவர இந்திய அணி மீண்டும் முயற்சித்தது. ஆனால், நியூசிலாந்து அணி 15-வது ஓவரில் 8 விக்கெட்டுகள் வித்தியாசத்தில் வெற்றி பெற்றது.